“Lankaran Open” şahmat festivalı çərçivəsində sürətli şahmat üzrə turnir keçirilib.

Blits yarışında Xaqan Əhməd qalib olub. O, doqquz oyunda 7,5 xal toplayıb və əlavə göstəricilərə görə Rüstəm Rüstəmovu qabaqlayıb. Murad İbrahimli onlardan yarım xal geri qalaraq 3-cü yerlə kifayətlənib.

Rapid turnirində isə Rüstəm Rüstəmov yeddi oyunda 6 xal toplayaraq birinci olub. Əlavə göstəricilərə görə o, Əsgər Rzayevlə Tunar Davudovu qabaqlayıb.

“Lankaran Open” Azərbaycan Şahmat Federasiyasının təşəbbüsü ilə "Chess Tour Azerbaijan" çərçivəsində keçirilir.