Plzendə çexlərlə monteneqrolular 1-ci yer uğrunda mübarizə apardı. Ardıcıl 3-cü qələbə meydan sahiblərini vahid lider etdi.

"Football-plus.az" xəbər verir ki, 28-ci dəqiqədə zədə üzündən meydanı tərk edən Qlojek bundan bir qədər əvvəl hesabı açdı. Qonaqlar isə erkən bərabərlik qolundan məhrum oldu. Ona görə ki, komanda yoldaşını zərbə mövqeyinə çıxaran Yovetiç ofsaydda idi. Elə həmin səbəbdən Çernının qolu da qeydə alınmadı. Sadəcə, o, bu oyunda məhsuldar hərəkətlə yadda qala bildi. 65-ci dəqiqədə Çernı künc zərbəsini ideal şəkildə yerinə yetirdi, Şik başla topu uzaq küncə göndərdi.

Bu qrupda bütün komandaların yenicə mübarizəyə qoşulan Xorvatiya amilini nəzərə alması lazımdı. “Damalılar” binəva Cəbəllütariq üzərində “eksperiment apardı”, oyun qocalmaq bilməyən Perişiçin benefisinə çevrildi. İlk yarım saatda məhz onun ötürmələrindən sonra Mario Paşaliçlə Budimir fərqləndi. Ardından Perişiçin yardımı ilə yığmada yalnız 3-cü oyununu keçirən İvanoviç dubl etdi. Nəhayət, Perişiç özü Mario Paşaliçin ötürməsindən sonra gecənin ən gözəl qollarından birini vurdu. Sonda Kramariç də dubl etməyə imkan tapdı.

Xorvatiyanın Cəbəllütariqlə oyununda yalnız son 25 dəqiqədə meydanda görünən Modriç çexlərə qarşı ilk dəqiqələrdən oynadı və darmadağın yolunda əlindən gələni etdi. Hesab 1:1 olarkən məhz veteran yarımmüdafiəçi Budimirin qazandığı penaltini qola çevirdi. 39 yaşlı kapitan meydanı tərk edəndə azarkeşlər onu alqışlarla yola saldı. Modriç Kramariçin 75-ci dəqiqədə vurduğu qolda da böyük rol oynadı. Buna qədər isə Perişiçlə Budimir fərqi darmadağın həddinə çatdırmışdı. Xorvatların baş məşqçisi Zlatko Daliç sonda daha bir istedadı – bugünlərdə “Tottenhem”ə keçəcək 18 yaşlı müdafiəçi Vuşkoviçi də publikaya tanıtdı.

“Cırtdanlar”ın duelində Farer adaları sevindi. Baxmayaraq ki, hesabı Cəbəllütariq, daha dəqiqi, MY-nin gənclər komandasında oynayan Skenlon açmışdı. Farerlilərin bərabərlik qolu da maraqlı oldu: Frederiksberq topu künc zərbəsindən birbaşa qapıya göndərdi.

L qrupu
3-cü tur
Çexiya – Monteneqro 2:0 (1:0)
Çexiya: Kovarj, Zelenı, Kreyçi, Holeş, Soufal, Çerv (Sadilek, 46), Souçek, Qlojek (Provod, 28), Şults (Kral, 90), Çernı (Kuşey, 77), Şik (Horı, 76).
Monteneqro: Nikiç, Şipçiç (M.Vukçeviç, 84), Vuyaçiç, Saviç, Radunoviç (A.Vukçeviç, 63), Kuç (Lonçar, 62), Yankoviç, Veşoviç (Muqoşa, 84), Yovetiç, Vukotiç (Osmaiç, 62), Krstoviç.
Qollar: Qlojek, 23 (1:0). Şik, 65 (2:0).
Vərəqələr: Veşoviç, 45+2. Lonçar, 90+1. Soufal, 90+1. Vuyaçiç, 90+6 – sarı.
Hakim: Sərdar Gözüböyük (Niderland).
6 iyun. Plzen. 10889 tamaşaçı.

Cəbəllütariq – Xorvatiya 0:7 (0:1)
Cəbəllütariq: Benda, Mauro, Annesli (Kerrinqton, 62), Lopeş, Ronan (Valarino, 62), Skenlon, Uoker (Bent, 86), De Barr (Torilya, 46), Riçards (Gibson, 74), Bartolo, Cessop.
Xorvatiya: Livakoviç, Yuranoviç, Ponqraçiç, Çaleta-Sar, Stanişiç (Marko Paşaliç, 65), Mayer, P.Suçiç (Kramariç, 46), Perişiç, Mario Paşaliç (Baturina, 71), L.Suçiç (Modriç, 64), Budimir (İvanoviç, 46).
Qollar: Mario Paşaliç, 28 (0:1). Budimir, 30 (0:2). İvanoviç, 60 (0:3). İvanoviç, 64 (0:4). Perişiç, 73 (0:5). Kramariç, 77 (0:6). Kramariç, 80 (0:7).
Vərəqə: Ponqraçiç, 54 – sarı.
Hakim: Georgi Kabakov (Bolqarıstan).
6 iyun. Faru-Lole (Portuqaliya). 1516 tamaşaçı.

4-cü tur
Xorvatiya – Çexiya 5:1 (1:0)
Xorvatiya: Livakoviç, Qvardiol, Çaleta-Sar (Vuşkoviç, 87), Şutalo, Stanişiç, P.Suçiç, Modriç (Moro, 80), Mario Paşaliç, Kramariç (Yakiç, 80), Perişiç (Marko Paşaliç, 87), Budimir (İvanoviç, 76).
Çexiya: Kovarj, Zelenı, Kreyçi, Holeş, Provod (Dudera, 88), Souçek, Sadilek (Kral, 77), Soufal, Çernı (Kuşey, 66), Şik (Horı, 77), Şults.
Qollar: Kramariç, 42 (1:0). Souçek, 58 (1:1). Modriç, 62-p. (2:1). Perişiç, 68 (3:1). Budimir, 72-p. (4:1). Kramariç, 75 (5:1).
Vərəqələr: Soufal, 66. Holeş, 71 – sarı.
Hakim: Xesus Xil Mansano (İspaniya).
9 iyun. Osiek. 12207 tamaşaçı.

Farer adaları – Cəbəllütariq 2:1 (0:1)
Farer adaları: Reynatrend, A.Edmundsson (Yohansen, 64), Vatnhamar, Fere, Davidsen, Olsen (Andreasen, 90), Hansson, Danielsen, Yustinussen (Serensen, 64), Klettskar (Yohannesen, 64), Frederiksberq (Y-S.Edmundsson, 74).
Cəbəllütariq: Benda, Britto, Annesli, Lopeş, Ronan (Valarino, 83), De Barr (Mauro, 90), Uoker (Cessop, 68), Bent, Riçards (Torilya, 83), Əl-Hmidi (Bartolo, 46), Skenlon.
Qollar: Skanlon, 23 (0:1). Frederiksberq, 71 (1:1). Yohannesen, 86 (2:1).
Vərəqələr: Bent, 30. Fere, 76 – sarı.
Hakim: Yiqal Frid (İsrail).
9 iyun. Torshavn. 2632 tamaşaçı.

1. Çexiya 4 3 0 1 9-6 9
2. Xorvatiya 2 2 0 12-1 6
3. Monteneqro 3 2 0 1 4-3 6
4. Farer adaları 3 1 0 2 3-4 3
5. Cəbəllütariq 4 0 0 4 2-16 0

5 sentyabr: Monteneqro – Çexiya, Farer adaları – Xorvatiya.

Bombardirlər: Şik (Çexiya), Holann (Norveç) – 4.