Atası Mahirin gözlənilən qərarından danışdı - hansı klublardan təklif alıb?
Mahir Emrelinin karyerasına harda davam edəcəyi bəlli deyil.
İddialara görə, 28 yaşlı futbolçu Almaniya, İlgiltərə, İtaliya çempionatlarından, eləcə də "Neftçi"dən təklif alıb. İş ondadı ki, seçim etməyə tələsmir - hələ dincəlir.
Bəs onun üçün ən uyğun seçim nədi? Özünü hansı klubda daha yaxşı tərəfdən göstərə bilər? Mahirə bu yöndə tövsiyələrininiz varmı?
"Football-plus.az"ın suallarını Emrelinin atası Anar Mədətov cavabladı:
"Mahirin hansı klublardan təklif aldığını bilmirəm. Hər halda, hadisələri qabaqlamaq istəmirəm. Məncə, ən yaxşısı gözləməkdi. Mahir nə qədər böyük klubda oynasa, o qədər yaxşıdı. Övladım olduğuna görə demirəm. Ümumiyyətlə, o, bizim fəxrimizdi. Mənim deməyimlə nəsə olmayacaq. Səbirli olaq, 20 gün gözləyək. İnanıram ki, Mahir ən doğru seçimi edəcək".
Xatırladaq ki, Emreli 2024/25 mövsümünü Almaniyanın 2-ci bundesliqa təmsilçisi "Nürnberq"də keçirib.KƏNAN BAHADIR
