“Mövsüm ərzində bəlli oldu ki, Mahirlə “Nürnberq” arasında ekssentrik münasibət var. Azərbaycanlı futbolçu dəfələrlə qıcıqlandırıcı davranışlar sərgiləməkdən çəkinmədi, qeyri-adi baxış bucağıyla diqqəti çəkən oyunçu bunu həmişə bariz nümayiş etdirdi. Əminliklə deyə bilərik ki, Emrelinin son matçlarda əsl qəhrəman kimi döyüşməsi, ardıcıl 3 görüşdə 4 qol vurması buzları böyük ölçüdə əritdi. İş ondadı ki, hücumçunun uğurları təkcə 2-ci bundesliqa klublarının yox, həm də 1-ci bundesliqa iştirakçılarının nəzərindən yayınmadı. Belədə iki 1-ci bundesliqa klubundan təklif alan Mahir “Nürnberq”lə danışıqlar zamanı diqtə edən tərəfə çevrildi. Baxmayaraq ki, klub onun zədəli olduğunu bilə-bilə heyətinə cəlb etmiş və qaneedici maaş ödəməyə razı olmuşdu. Üstəlik Mahir mövsümün əksər hissəsində qollarla deyil, mübahisələrlə gündəmə gəlmişdi. Qısası, indi durum fərqli idi. Mahir maaşının xeyli artırılmasını tələb etdi ki, maliyyə cəhətdən sıxıntılı günlər yaşayan “Nürnberq” bu tələbi istəsə də, qarşılaya bilmədi və bilməzdi. Beləliklə, Emreli 2-ci bundesliqa klubunu 1-ci bundesliqa iştirakçısına dəyişdi. Xatırladaq ki, Mahir qışda az qala Koreya “Seul”undan gələn təklifi qəbul edəcəkdi”.