Mahir Emrelinin cari mövsümün sonunda “Nürnberq”dən ayrılacağından xəbərdarsız.

“Football-plus.az” bu xəbəri eşidən “Nürnberq” azarkeşlərinin reaksiyalarını diqqətinizə çatdırır.

“İnanıram ki, bilmədiyimiz şeylər var. “Nürnberq”in səhv edəcəyini düşünmürəm”.

“Qərarın hansı atmosferdə verildiyindən xəbərimiz yoxdu. Bəlkə də özü qalmaq istəməyib. Düzü, onun bəzi davranışları əsəblərimi pozurdu”.

“Təəssüf ki, gedir... Bəlkə də daha yaxşı çempionatlardan təklif alıb. Belədisə, onsuz da onu saxlaya bilmərik”.

“Bu nədi?! Adam bizi bir neçə həftə çiyinlərində daşıdı. Sənin üçün darıxacam, Emreli!”

“Üzücü xəbərdi. Bizimlə davam etməliydi. O, komandanın kimyasına alışmışdı”.

“Müdafiə xəttində etdiyiniz səhvlər Mahiri bezdirdi”.

“Bir yandan təəssüflənirəm. Çünki sol ayaqlı əfsanə nələr bacardığını göstərdi. Bir yandan da rahatam. Bizi istəməyən gedə bilər. Heç kim klubdan böyük deyil”.

“Bir saat əvvəl Mahirin formasını sifariş etdim. İndi də bu xəbəri oxudum...”

“Dəfələrlə şahidi olduq. Mahir komandadan məmnun deyildi. O, yaxşı oyunçudu. Amma qələbələri təkbaşına qazana bilməzdi. Futbol bir nəfərlik şou deyil”.

“Mahir daha yaxşı komandalarda oynamalıdı. O, “Nürnberq” üçün çox yüksəkdi”.

“Böyük xəta! Təbii ki, azı onun qədər bacarıqlısını tapa bilməyəcəksizsə...”

“Yaxşı yol, Mahir! Bizə 1-ci bundesliqa xəyalları qurdurduğun üçün təşəkkür edirik. Gözəl idi”.

“Mahirin yerini doldurmaq üçün 4-5 yeni hücumçu almalısız”.

“Təəccübləndim. Amma “Nürnberq”i anlamaq çətin deyil. Mahirin xarakteri anlaşılmazdı. Komandada yenə problem yarada bilərdi”.

“Ümid edirəm ki, “Herta”ya getməz. Növbəti mövsüm “Nürnberq”ə qol vursa, ağlayacam”.

“Çox doğru qərardı. Problem yaratmaq potensialı çox böyükdü”.

“Bu qərar futbolla bağlı ola bilməz. Əminəm ki, bilmədiyimiz nəsə baş verib”.

KƏNAN BAHADIR