“Almaniya klubunda forma geyən, çempionatın ab-havasına bələd olan Mahirdi. Bu üzdən ən yaxşı qərarı özü verə bilər. Məhz mənim fikirlərimə gəlincə, o, “Nürnberq”də daha bir il qalmalıdı. Düzdü, hazırda qol vura bilmir. Lakin indiyə qədər vurduğu qollarla potensialı olduğunu, Almaniya kimi ölkədə daha yaxşı yerlərdə çıxış edə biləcəyini göstərdi. Bəzən belə hallar yaşanır. Hər futbolçu mövsüm ərzində formada qala bilmir. Kim düşünərdi ki, Zaqreb “Dinamo”sunda uğursuzluq yaşayan futbolçu yenidən meydana qayıdacaq və özünü yaxşı tərəfdən göstərəcək? Mahir təcrübəli futbolçudu. 18 yaşı yoxdu ki, ehtiyat oyunçular skamyasında əyləşdiyinə, tez əvəzləndiyinə və ya qollar vura bilmədiyinə görə ruhdan düşsün. Mən ona inanıram”.