Məlum olduğu kimi, mayın 31-də futzal yığmamızın baş məşqçisi Vitali Borisovun müqavilə müddəti başa çatdı. İndi mütəxəssislə bağlı qərar verilməli, dəqiq desək, ya yeni müqavilə imzalanmalı, ya da başqasıyla əvəzlənməlidi.

Bəs mütəxəssislə danışıqlara start verilibmi? Onun taleyi ilə bağlı hansı qərar veriləcək?

Bu suallarla Futzal Federasiyasının İcraiyyə Komitəsinin üzvü Mahmud Sadıqova müraciət etdik. O, "Football-plus.az"a açıqlamasında hələ bu barədə qərar verilmədiyini, mütəxəssisin aqibətinin İcraiyyə Komitəsinin iclasında dəqiqləşəcəyini dedi.

Xatırladaq ki, yığma bu il Avropa çempionatının əsas mərhələsindəki çıxışını biabırçı nəticə ilə başa vurdu. Komanda yer aldığı 5-ci qrupu 2 xalla sonuncu sırada tamamladı.

KƏNAN BAHADIR