"Bu vəzifəyə məndən başqa namizədin olub-olmadığı haqda informasiyam yoxdu. Etimada görə rəhbərliyə yalnız təşəkkür edə bilərəm. Bildiyimə görə, futzal yığmasının baş məşqçisiylə müqavilələr, adətən, 1 il olur. Bu üzdən yeni müqavilənin daha uzun müddəti əhatə edəcəyini düşünmürdüm. Növbəti həftədən etibarən hədəflərin reallaşdırılması istiqamətində planlar qurmağa başlayacağıq. Böyük ehtimalla məqsədimiz Avropa çempionatının əsas mərhələsində keçiriləcək oyunlarda uğurlu nəticələr qazanıb qrupdan çıxmaq olacaq. Tezliklə "Araz-Naxçıvan"la da yeni müqavilə imzalayacağıq".