Antoni “Betis”i tərk edib.

“Mançester Yunayted”in futbolçusu icarə əsasında çıxış etdiyi İspaniya klubundan ayrıldığını açıqlayıb.

O, bununla bağlı sosial şəbəkə hesablarında paylaşım edərək “bu gün həyatımın ən gözəl fəsillərdən biri sona çatır. Bir günün içində hər şey dağıldı. Cənnətdən cəhənnəmə. Bu cür hallarda futbol mənə fərqli bir şey də verir. Sizi, uşaqlar. Mən “Betis”də keçirdiyim müddətdə fərqli hisslər yaşadım. Sanki öz evimə gəlmişdim. Sizinlə birgə yenidən gülümsədim” cümlələrini yazıb.

Antoni “Betis”ə yanvarda transfer olmuşdu. O, ötən müddət ərzində komanda ilə 26 oyuna çıxaraq 9 qol vurub və 5 məhsuldar ötürmə edib.