“Formula-1” üzrə dünya çempionatının Azərbaycan mərhələsinə hazırlıq davam edir.

"Football-plus az" xəbər verir ki, bu il Bakı Şəhər Halqasında iki əlavə tribunanın quraşdırılması nəzərdə tutulub. Artıq Bakı Şəhər Halqası ətrafında tribunaların quraşdırılmasına başlanılıb.

Həm yerli, həm də əcnəbi azarkeşlər tərəfindən Azərbaycan mərhələsinə artan marağı nəzərə alaraq, infrastrukturun genişlənməsi nəticəsində tribunaların tutumu 1500 yer artırılaraq 20 mini keçəcək.

Xatırladaq ki, Azərbaycan mərhələsini ötən il dörd gün ərzində tribunalardan canlı 76 mindən çox azarkeş izləyib.

Hazırlıq işlərinə görə Dənizkənarı Bulvarın bəzi hissələrində müvəqqəti məhdudiyyətlərin tətbiq olunması nəzərdə tutulur.

Xatırladaq ki, bu il yarış sentyabrın 19-21-i aralığında keçiriləcək.