Premyer-liqada mayın 16-18-i aralığında keçirilən oyunların icmalını təqdim etmişdik.

"Football-plus.az" xəbər verir ki, ötən həftənin bazar ertəsi gec saatlarda “Liverpul” da meydana çıxdı.

“Brayton”un qonağı olan “qırmızılar” artıq 9-cu dəqiqədə hesabı açdı. Ancaq meydan sahibləri tezliklə özünə gələrək 32-ci dəqiqədə bərabərlik qolunu vurdu. Komandalar fasiləyə yollananda hesab artıq 1:2 idi. Soboslai gözəl zərbə ilə “Liverpul”u növbəti dəfə irəli çıxardı. Fasilədən dərhal sonra Salah fərqlənməyə borclu idi. Misirli ulduz əlverişli imkanı qaçırandan sonra “qağayılar”ın baş məşqçisi Fabian Hürtselerin hissiyyatı işə yaradı. Onun 65-ci dəqiqədə meydana buraxdığı Mitoma cəmi 5 dəqiqə sonra hesabı 2:2 etdi.

Maraqlıdı ki, sonradan meydana çıxan Hinşelvudun “Brayton”un qələbə topunu vurması üçün cəmi 3 dəqiqə bəs etdi. Və daha bir qəribəlik: ona ötürmə verən О’Rayli də sonradan oyuna qoşulmuşdu. Slotun əlinin altında belə cokerlər yox idi. Düzünə qalsa, heç bir turnir motivasiyası olmayan qonaqlardan geridönüş gözləməyə də dəyməzdi. “Brayton” azarkeşləri ilə ən yaxşı şəkildə vidalaşdı.
Bir qələbə “Mançester Siti”ni sonuncu tur ərəfəsində 6-cı pillədən 3-cü pilləyə atdı.

Məhz son turda İngiltərənin avrokuboklardakı təmsilçiləri dəqiqləşəcək. “Bornmut” üzərində qələbə “şəhərlilər”ə çətin başa gəlmədi. Artıq 14-cü dəqiqədə Marmuş uzaq məsafədən möhtəşəm zərbə ilə hesabı açdı, hissənin sonunda isə Bernardo Silva fərqi artırdı. “Şəhərlilər” zaman-zaman özünə problem yaradırdı. Kovaçiçin 67-ci dəqiqədə birbaşa “qırmızı” ilə meydandan qovulmasını məhz bunların sırasına aid etmək olar. Amma cəmi 7 dəqiqə sonra “Bornmut”dan da Kuk qovuldu. 10-un 10-a oyunda “Siti” Nikonun sayəsində daha bir qol vurdu. Bundan əvvəl isə iki emosional an yaşandı: De Bruyne “Etihad”la vidalaşdı və Rodri sentyabrdan bəri ilk dəfə yaşıl meydana qədəm qoydu. “Bornmut” isə bütün bunların fonunda yalnız son saniyələrdə təsəlli qolunu vurdu.

Mayın 17-də tarixində ilk dəfə ölkə kubokunu qazanan “Kristal Pelas” “Vulverhempton”a qarşı da parlaq oyun göstərdi. 1-ci hissənin ortalarında “canavarlar” hesabı açsa da, “şüşəçilər” fasiləyə qədər hesabı bərabərləşdirməklə yanaşı, irəli də çıxdı – Nketia dubl etdi. 2-ci hissənin əvvəlində Çiluell londonluların üstünlüyünü artırdı. Ancaq təslim olmaq istəməyn qonarlar Strand Larsenin 62-ci dəqiqədəki qolu ilə intriqanı bərpa etdi. Sonda Eze komandasının 4-cü qolunu vurmaqla bütün sualları aradan qaldırdı.

37-ci tur
Brayton – Liverpul 3:2
Ayari, 32. Mitoma, 69. Hinşelvud, 85 – Elliott, 9. Soboslai, 45+1. (31611)
Liverpul: Alisson, Simikas, Kuansa, Konate, Bredli (Endo, 77), Soboslai (Cons, 64), Qravenberx, Qakpo (Dias, 63), Elliott, Salah, Kyeza (Nunyes, 63).

Mançester Siti – Bornmut 3:1
Marmuş, 14. B.Silva, 38. Niko, 89 – Cebbison, 90+6. (52487)
MS: Ederson, Nunyeş, Diaş, Akanci, Qvardiol, Gündoğan (Dokyu, 90+2), Kovaçiç, B.Silva (Qriliş, 90+2), De Byuyne (Niko, 69), Marmuş (Bobb, 90+1), Holann (Rodri, 82).

Kristal Pelas – Vulverhempton 4:2
Nketia, 27; 32. Çiluell, 50. Eze, 86 – Aqbadu, 24. Strand Larsen, 62. (24766)

Turun mayın 16-18-də keçirilən oyunları belə nəticələnib: Arsenal – Nyukasl 1:0, Çelsi – Mançester Yunayted 1:0, Aston Villa – Tottenhem 2:0, Everton – Sauthempton 2:0, Vest Hem – Nottingem Forest 1:2, Brentford – Fulhem 2:3, Lester – İpsviç 2:0.

Xal durumu: Liverpul – 83, Arsenal – 71, Mançester Siti – 68, Nyukasl, Çelsi, Aston Villa – 66, Nottingem Forest – 65, Brayton – 58, Brentford – 55, Fulhem – 54, Bornmut – 53, Kristal Pelas – 52, Everton – 45, Vulverhempton – 41, Vest Hem – 40, Mançester Yunayted – 39, Tottenhem – 38, Lester – 25, İpsviç – 22, Sauthempton – 12.
Bombardirlər: Salah (Liverpul) - 28, İsak (Nyukasl) – 23, Holann (MS) – 21, Vud (Nottingem Forest) – 20, Mbemo (Brentford) – 19.

Turun rəqəmi
300 – Salah premyer-liqada oyun sayını bu həddə çatdırdı. O, “Liverpul”un heyətində 287, “Çelsi”nin heyətində 13 oyuna çıxıb. Misirli vinger premyer-liqada bu qədər oyun keçirən 4-cü afrikalıdı. İlk üç pillədə Kolo Ture (Fil Dişi Sahili, 353), Vilfrid Zaha (Fil Dişi Sahili, 305) və Cordan Ayyu (Qana, 303) qərarlaşıb. 2017-dən "Liverpul"un formasını geyən Salah buna qədər “Çelsi"də (2014-16) çıxış edib.

Turun ulduzu
David Rayya (Arsenal) – qapıçıların bu kateqoriya üzrə qalib olması nadir hadisədi. Ancaq ispaniyalı kiper “Nyukasl”la oyunda hədsiz parlaq təsir bağışladı. Ən çətin vəziyyətlərdə komandasının köməyinə çatdı, 5 seyv etdi. “Topçular” məhz bu qələbə sayəsində 2-ci yeri təmin etdi.

Turun sitatı
Kevin de Bruyne, MS-nin yarımmüdafiəçisi: “Burda qeyri-adi 10 il keçirdim. Qeyri-adi zaman kəsiyi, qeyri-adi təzyiq idi. Adamlara sevinc bəxş etmək, kreativ futbol göstərmək istəyirəm. Düşünürəm ki, bu 10 il azarkeşlər üçün şən keçdi. Bəzən uduzursuz, bəzən udursuz. Bu klub üçün yaxşı nəsə edə bildimsə, qürur duyuram”.

Faktlar
* "Liverpul" premyer-liqada antirekorda imza atdı. Mersisayd təmsilçisi “qızıl”ı təmin edəndən sonra çempionatda keçirdiyi üç matçın heç birində qalib gələ bilməyən ilk komandadı. "Liverpul" daha əvvəl "Arsenal"la heç-heçə (2:2) edib, "Çelsi"yə isə məğlub (1:3) olub.
* "Liverpul"un müdafiəçisi Vircil van Diykin premier-liqada 69 oyun ardıcıl start heyətində meydana çıxmaq seriyası başa çatdı. Niderlandlı oyunçu "Brayton"la matçın start heyətində yer almadı. Yeri gəlmişkən, "Liverpul"un əsas kapitanı əvvəlki 69 oyunun hamısında 90 dəqiqə meydanda olub.

Oyundan sonra
Arne Slot, “Liverpul”un baş məşqçisi: