"Turan Tovuz" Misli premyer-liqasının evdə keçirilən 25-ci tur matçında "Zirə"yə uduzdu - 0:2.

"Football-plus.az" xəbər verir ki, "bozqurd"un baş məşqçisi Kurban Berdiyev oyunsonrası mətbuat konfransında jurnalistlərin suallarını cavablayıb.

- "Zirə" kimi komandaya qarşı matçda erkən qol buraxanqdan sonra toparlanmaq çətin olur. Biz də fərqlənmək üçün irəli atıldıq. Əvəzetmələrdən sonra meydanın mərkəzindəki hakimiyyəti rəqibə təhvil verdik. İkinci qoldan sonra müdafiə olunmağa üstünlük verdik. "Zirə"nin layiqli qələbə qazandığını düşünürəm.

- Mövsümü dördüncü pillədə bitirməyinizə baxmayaraq, avrokuboklara yollana bilməsəz, bunu uğur sayacaqsız? Yoxsa istefa verəcəksiz?
- Məqsədimiz avrokuboklara yollanmaqdı. Başqa nəticə mənim üçün uğur sayılmır.

- Müdafiədə problem olduğunu düşünürsüz?
- Bəli, müəyyən problemlər var. Bunları müzakirə edirik. Aradan qaldırmağa çalışırıq.

- İsmayıl Zülfüqarlıya hansı tapşırığı vermişdiz?
- Ötürmələr edərkən çətinliklə üzləşir. Bunun üzərində çalışırıq.

- "Turan Tovuz" evdə oyuna çox istəkli və aqressiv başlayanda müdafiə xəttində səhvə yol verir. Bəlkə bunu dəyişməyin vaxtıdı?
- Fəal çıxış etməli olduğumuz oyunlarda bunu edirik. "Zirə" əks-hücumlarda təhlükəli olan komandadı.

KƏNAN BAHADIR