Bu mövsüm tarix yazaraq UEFA Gənclər Liqasında finala yüksələn və həlledici oyunda ''Barselona''ya uduzan ''Trabzonspor''un U-19 komandasının üzvlərinə Avropa klublarının marağı davam edir.

Belə görünür ki, bu ''istedadlar yığını''nı ilk tərk edən Salih Malkoçoğlu olacaq. Bu futbolçu həm komandanın kapitanı, həm də liderlərindən biridi. Dayaq yarımmüdafiəçisi kimi oynayan Malkoçoğlu Gənclər Liqasında meydana çıxdığı 8 qarşılaşmada 1 qol, 2 məhsuldar ötürmə ilə fərqlənmişdi. 190 sm boya malik 20 yaşlı futbolçu əsas komandada hələ 2023-cü ildə debüt edib. Bu mövsüm isə o, əsas komandada iki superliqa, bir kubok matçında şans qazanıb. Bu arada ''Qaradəniz Qazeti''nin İtaliya mətbuatına istinadən yaydığı xəbərə inansaq, ''İnter'' Malkoçoğlunu heyətinə qatmaq istəyir.

''Trabzonspor''un finala gedən yolda qurbanlarından biri məhz ''İnter'' olmuşdu. Turnirin favoritlərindən biri olan ''neradzurra''nın gəncləri 1/4 finalda Trabzonda minimal hesabla uduzmuşdular.

Mənbənin iddiasına görə ''İnter'' ''Trabzonspor''a 4 milyon avro və Mehdi Taremini təklif edib! 32 yaşlı iranlı forvard ''İnter''də elə də yüksək məhsuldarlıq sərgiləmir. Bu mövsüm o, 38 rəsmi oyunda aktivinə yalnız 3 qol, 6 məhsuldar ötürmə yaza bilib. Buna baxmayaraq Taremi Avropanın tanınmış və təcrübəli hücumçularından biridi. Qaradənizlilərin bu təklifə necə reaksiya bilinmir.