Bazar günü keçirilən ''Fənərbaxça'' - ''Beşiktaş'' derbisinin (0:1) ən yaddaqalan anı qonaqların penaltini boşa verməsi oldu.

36-cı dəqiqədə qazanılan penalti zamanı topun başına Jedson Fernandeş keçdi. Həmin an onun üzünə lazer işığı düşməsi diqqətdən qaçmadı. Portuqaliyalı yarımmüdafiəçi fürsəti boşa verdi və onun zərbəsini qapıçı İrfan Can Eğribayat dəf etdi. Fernandeşin gözünə lazer tutan azarkeş hələ oyunun gedişatında müəyyənləşdirildi. Final fitindən sonra isə o, polislər tərəfindən saxlanıldı.

Bununla bağlı İstanbul Baş Polis İdarəsindən rəsmi açıqlama verildi. Həmin açıqlamada şimal üst tribunadan oyunu izləyən B. Y. adlı azarkeşin ifadəsi alınması üçün baş polis idarəsinə gətirildiyi qeyd olundu. 6222 saylı qanuna əsasən həmin azarkeş cinayət məsuliyyətinə cəlb edilib.

İdmanda şiddət və nifrətin qarşısının alınması məqsədilə bir neçə il öncə qəbul edilən bu maddəyə əsasən həmin azarkeşə birillik cəza verilib. O, bir il müddətində idman tədbirlərində iştirak edə bilməyəcək. Həmin şəxs hər dəfə oyunu stadionda izləmədiyinə dair polisə məlumat verməli olacaq. Anadolu prokurorluğuna ifadə verən həmin ''Fənərbaxça'' fanatı bunları deyib: