''Bir şey deyə bilərəm ki, bu kluba, oyunçulara və fanatlara çox bağlıyam. Gələcəyim haqda bütün suallara mayın 25-də cavab verəcəm. İndi bizi yalnız bu günkü durumumuz və qarşıdakı oyun maraqlandırır. Sona qədər savaşmalıyıq. Çempionatı hələ qazana bilərik. Heyətdə ciddi problemlərimiz olsa da, qalib gələcəyimizə inanırıq. Mən belə görürəm ki, siz qarşıdakı oyun haqda yox, yalnız mənim gələcəyim haqda danışmaq istəyirsiz. Amma sizi məyus etməli olacam. İndi gələcəyim haqda danışmaq fikrim yoxdu. Nə etməli olduğumu, nə edəcəyimi və nə etdiyimi gözəl bilirəm. ''Real'' ilə vidamı necə təsəvvür edirəm? Bilirəm ki, vida mərasimi çox gözəl keçəcək. Çünki burda mükəmməl 6 il keçirmişəm. Bu müddətdə heç kimlə mübahisəm olmayıb. Son günə qədər də belə davam edəcək. Ayrılmağım mayın 25-nə də təsadüf edə bilər, 2026-cı ilə də. Yeni məşqçi axtarışları ilə bağlı yazılanlar məni maraqlandırmır. Bu xəbərlərin arxasında klub dayanmır. Bu xəbərlərin çoxu doğru deyil. Arda Gülər gəldiyi gündən bu yana çox inkişaf edib və inkişaf etməkdə də davam edir. Gələcəkdə bu klub üçün çox önəmli futbolçu olacaq. Səviyyəsini göstərməyi və sabit oynamağı bacarır. Mükəmməl bir mərkəz yarımmüdafiəçisinə çevriləcək. Çünki hazırda dünya futbolunda Arda səviyyəsində mərkəz yarımmüdafiəçilərin sayı çox deyil. Bu, karyeramın ən qarışıq mövsümüdü? Fərdi baxımdan xeyir. Amma peşəkar baxımdan bəli, heç vaxt bu cür qarışıq mövsüm yaşamamışdım. Həm də nəzərə alaq ki, ötən mövsümü çox əla keçirmişdik. Ancaq bu mövsüm çətinliklərimiz çox oldu. Bununla belə hələ də bir titul qazana bilərik. Çempion olsaq bu mövsümlə bağlı təsəvvürləri dəyişə bilərik''.