“AFFA-ya futbolçu və klubun nümayəndəsi dəvət olunacaq” – irqçilik qalmaqalı böyüyür
“Difai”nin kamerunlu hücumçusu Kristian Kamta UEFA və FİFA-ya şikayət məktubu göndərib.
Futbolçu çıxış etdiyi 1-ci liqada irqçiliyə məruz qaldığını bildirib. Kamta hakimlərin ayrı-seçkilik hallarına yol verməsindən şikayətlənib:
“Mingəçevir" ilə oyunda rəqib futbolçunun öz cərimə meydançasında, baş hakim Əli Əliyevin gözü qabağında mənim ağzıma yumruq vurması, referinin buna etinasız qalması, iradımı bildirdikdə isə mənə sarı vərəqə göstərməsi və Azərbaycan dilində başa düşmədiyim, lakin intonasiyasından heç də yaxşı bir şey olmadığını söyləməsi anlaşılan deyil. Oyundan sonra öyrəndim ki, həmin baş hakim rəqib komandanın baş məşqçisinin tələbəsi olub”.
Yeri gəlmişkən, artıq məsələ Ombudsman səviyyəsinə çıxıb. Futbolçu Ombudsman aparatına çağırılıb, ondan izahat alınıb. Görəsən, AFFA-nın müvafiq qurumları bu məsələyə necə münasibət bildirir? Bu sualı qurumun Mətbuat və İctimaiyyətlə Əlaqələr departamentinin rəhbəri Elnur Məmmədliyə ünvanladıq:
“AFFA-ya futbolçu və klubun nümayəndəsi dəvət olunacaq. Onlarla söhbət aparılacaq və hadisə ilə bağlı izahat alınacaq”.
ƏSƏD SEYİDOV
Digər xəbərlər
