Sabiq ''Beşiktaş''lı futbolçu: ''Qazandığım pulun hamısını...''
Ötən yay icarə əsasında ''Beşiktaş''a gələn, amma fevralda ''Fiorentina''ya yollanan Şer Ndur florensiyalıların resmi saytına maraqlı açıqlamalar verib.
Hazırda italyanəsilli seneqallı futbolçunun haqlarının yarısı PSJ-yə, yarısı da ''Fiorentina''ya məxsusdu. ''Qartal''da 22 rəsmi oyuna çıxaraq 1 qol vuran, İtaliyada isə indiyə qədər 5 oyuna çıxa bilən 20 yaşlı yarımmüdafiəçi qazandığı pulların hamısını kimə verdiyini də açıqlayıb:
''Hər dəfə meydana ayaq basdıqda çox gözəl hisslər keçirirəm. Çünki peşəkar futbolçu olmaq hər zaman ən böyük arzum idi. Hətta xəyallarıma çatmaq üçün 16 yaşımda evi, məktəbi və dostlarımı tərk etməyə razı oldum. Məhz həmin an peşəkar futbolçu olacağımı anladım. Ailəm hər zaman mənə dəstək oldu. Amma uşaqlıqdan gələn alışqanlıqlardan vaz keçmək mənim üçün bir qədər çətin oldu. ''Fiorentina''da gözəl ab-hava var. Əla insanlar və güclü futbolçularla eyni paltardəyişmə otağını paylaşmaq mükəmməl bir hissdi. Belə bir klubda oynamağımla qürur duyuram. Qazandığım pulu nə edirəm? Hamısını anama və atama verirəm''.
Digər xəbərlər
