Mövsümə yaxşı başlayan və ilk turu lider kimi başa vuran ''Beşiktaş'' heyətini gücləndirməkdə davam edir.

''Qartal'' PSJ-nin üzvü Şer Nduru tibbi müayinədən keçirmək və rəsmi müqavilə imzalamaq üçün İstanbula gətirib. 20 yaşlı futbolçu ilk mövsümü icarə əsasında keçirəcək. Özünü göstərə biləcəyi təqdirdə gələn yay daimi əsasda transfer ediləcək. 2004-cü ilə təvəllüdlü seneqaləsilli futbolçu İtaliyada doğulub və İtaliyanın gənclər yığmasının üzvüdü.

Futbola ''Atalanta''nın akademiyasında başlayan Ndur daha sonra ''Benfika'' skautlarının diqqətini çəkərək bu klubun akademiyasına keçib. Ötən yay isə PSJ onunla 2028-ci ilə qədər müqavilə imzalamışdı. 190 sm boya malik olan, fiziki göstəriciləri ilə seçilən və hava toplarında inamlı təsir bağışlayan istedadlı futbolçu əsasən dayaq yarımmüdafiəçisi kimi çıxış edir. Amma hücumların qurulmasında da yaxından iştirak edir.

Ndur ötən mövsümün ikinci dövrəsini icarə əsasında ''Braqa''da keçirmişdi. O, Avropa Liqasının pley-offunda təmsilçimiz ''Qarabağ''a qarşı hər iki oyunda sonradan meydana daxil olmuşdu. Futbolçunun transfer dəyəri 4 milyon avrodu.

ƏLİ