Şəhriyar Məmmədyarov və Teymur Rəcəbov Beynəlxalq Şahmat Federasiyasının (FİDE) reytinqində bir pillə geriləyib.

"Football-plus.az" xəbər verir ki, Şəhriyar (2746) 14-cü, Teymur (2692) 40-cı yerdə qərarlaşıb. Son ölkə çempionatının qalibi Rauf Məmmədov (2657) 69-cu yerdə qalıb. Siyahıya norveçli Maqnus Karlsen (2837) başçılıq edir.

Qadınlardan Gövhər Beydullayeva (2394) 8 pillə geriləyərək 53-cü sırada yer alıb. Dörd mövqe itirən Günay Məmmədzadə (2390) 57-ci, 10 sıra geriləyən Ülviyyə Fətəliyeva (2374) 67-ci, 3 pillə irəliləyən Xanım Balacayevə (2358) 58-cidi yerdədi. Gülnar Məmmədova (2352) "100-lüy"ə dönüb və hazırda 91-ci sıradadı.

Qadınlarda çinli Yifan Hou (2633) liderdi.