Konyada həvəskarlar liqası çərçivəsində keçirilən bir matçda yaşanan olay sosial şəbəkələrdə böyük marağa səbəb olub.

"Football-plus.az'' xəbər verir ki, Konyanın Bəyşəhər kəndində həvəskarlar liqasının C qrupunda ''Bəyşəhər Dəmirspor'' - ''Konya Maliyəspor'' matçında qəribə hadisə yaşanıb. Belə ki, oyunun 20-ci dəqiqəsində meydana sahibsiz bir it daxil olub. Özü də it bir az ora-bura qaçdıqdan sonra meydanda uzanmaq qərarına gəlib.

Murat Balıkçı adlı hakim isə qaçaraq itin yanına gəlib və ona qırmızı vərəqə göstərib. Maraqlıdı ki, hakim və stadionun rəsmiləri bir müddət iti tumarlayaraq onu meydandan kənarlaşdırmağa çalışsalar da, bunu bacarmayıblar. İtin çıxmaq istəmədiyini görən hakim onu qucağına alaraq meydanın kənarına gətirmək məcburiyyətində qalıb. Yalnız bundan sonra iti stadiondan qovmaq mümkün olub. Hakim isə hərəkətinə görə tribunadan alqış qazanıb. Oyun 1:1-lik bərabərliklə yekunlaşıb.