Çili çempionatında maraqlı hadisə baş verib. Qeyri-adi hal 14-cü turun “Kuriko Unido” – “Palestino” matçında (0:1) yaşanıb.

"Football-plus.az" xəbər verir ki, oyunun ilk dəqiqələrində meydana bir it daxil olub.

Heyvan topu oyuncaq zənn edərək onun arxasınca qaçmağa başlayıb. İt bir neçə saniyə topla oynayıb və onu dişləyib. Belə vəziyyəti təbəssümlə qarşılayan futbolçular isə heyvana nəvaziş göstəriblər. Bir neçə dəqiqə sonra oyunçulardan biri onu qucağına alaraq meydandan kənara çıxarıb.

Maraqlıdı ki, it hətta bu məqamda da topu buraxmaq istəməyib. Necə deyərlər, itin göstərdiyi şou sona çatandan sonra komandalar oyuna davam ediblər.