A seriyasının 32-ci turundan sonra “İnter” liderliyini davam etdirdi. İtaliyanın son çempionu, gözlənildiyi kimi, evdə “Kalyari”yə qalib gəlməkdə elə bir əziyyət çəkmədi. Milanlıların bütün turnirlərdəki məğlubiyyətsiz seriyasının 12 oyuna çatdığını da qeyd edək.

Milanın eyniadlı komandası isə 2 oyunluq qələbəsizliyə son qoydu. Serjio Konseysaonun komandası səfərdə “Udineze”nin qapısından 4 cavabsız top keçirdi. İnamlı qələbəyə baxmayaraq, “Milan”ın 9-cu yerdəki mövqeyi dəyişmədi.

Mövsümün həlledici mərhələsinin əvvəlində dərin böhran yaşayan “Atalanta”, nəhayət, 3 oyunluq məğlubiyyət seriyasına son qoydu. Can Pyero Qasperininin komandası evdə Çempionlar Liqasına (ÇL) vəsiqələrdən birinə iddia edən “Bolonya”nı iki cavabsız qolla məğlub etdi. Vacib qələbə berqamoluların 3-cü pillədə möhkəmlənməsini təmin etdi.

“Bolonya”nın uduzması “Yuventus”un işinə yaradı. Turinlilər evdə “Leççe”yə 2:1 hesabıyla qalib gəlməklə ÇL-ə sonuncu vəsiqə verən 4-cü yerə çıxdılar.

Turun ən çox maraq doğuran oyunu paytaxtda baş tutdu. Roma derbisi gərgin keçsə də, azarkeşlər keyfiyyətli futbol izləyə bilmədilər. Fasilədən sonra hərəyə bir qol vuran həmşəhərlilər “sülh”ə razılaşdılar. Nəticədə “Latsio” turnir cədvəlinin 6-cı, “Roma” isə 7-ci pilləsində qaldı. “Roma”nın A seriyasında artıq 16 oyundu uduzmadığını da qeyd edək.

32-ci tur
İnter – Kalyari 3:1
Arnautoviç, 13. Martines, 26. Bissek, 55 – Pikkoli, 48. (71799)
İnter: Zommer, Bissek, De Vrey, Auqusto, Zalevski (Bastoni, 67), Dimarko (Darmian, 59), Barella, Çalhanoğlu (Asllani, 84), Frattezi, Arnautoviç (Korrea, 59), Martines (M.Türam, 67).

Yuventus – Leççe 2:1
Koopmeyners, 2. Yıldız, 33 – Baskirotto, 87. (39259)
Yuventus: Di Qreqorio, Kalulu, Veyqa, Kelli, Lokatelli, K.Türam, Makkenni (Vea, 67), Qonsales (Konseysao, 76), Koopmeyners (Kambyaso, 67), Yıldız (Savona, 90+1), Vlahoviç (Kolo Muani, 67).

Udineze – Milan 0:4
Leao, 42. Pavloviç, 45. Ernandes, 74. Reynders, 81. (24214)
Milan: Menyan (Sportyello, 55), Pavloviç, Ernandes (F.Terraçano, 83), Qabbya, Tomori, A.Ximenes (Sottil, 73), Fofana, Reynders, Leao (Bertezaqi, 83), Pulişiç, Yoviç (Abraham, 73).

Atalanta – Bolonya 2:0
Retegi, 3. Paşaliç, 21. (23156)
Atalanta: Karnesekki, Kolaşinats (Toloy, 45), Hin, Cimşiti, Bellanova (Kuadrado, 81), Zappakosta (Rucceri, 85), De Roon, Ederson, Paşaliç, Lukman (Breşianini, 81), Retegi (Maldini, 81).
Bolonya: Ravalya, Miranda, Lukumi (Kazale, 46/Erliç, 77), Beukema, De Silvestri (Holm, 71), Fröyler, Pobeqa, Ndoy, Fabbian (Kambyaqi, 46), Orsolini (Dominges, 46), Dallinqa.

Fiorentina – Parma 0:0
(21355)
Fiorentina: De Xea, Ponqraçiç (Komutso, 72), Mari, Ranyeri, Dodo, Mandraqora (Riçardson, 70), Parizi (Folorunşo, 75), Kataldi, Facoli (Adli, 70), Qudmundsson (Beltran, 70), Ken.

Latsio – Roma 1:1
Romanyoli, 47 – Sule, 67. (63000)
Latsio: Mandas, Maruşiç, Romanyoli, Jiqo, Luka Pelleqrini, Genduzi, Rovella, Zakkanyi, Dele Başiru (Noslin, 80), İsaksen (Dia, 73), Kastelyanos (Pedro, 73).
Roma: Svilar, Ndika, Mançini, Çelik, Anxelinyo, Kone, Paredes (Kristante, 46), Salemakers (Rensx, 88), Lorentso Pelleqrini (Şomurodov, 59), Sule (Əl-Şaaravi, 88), Dovbik (Baldantsi, 84).

Venetsiya – Montsa 1:0
Fila, 72. (10001)

Verona – Cenoa 0:0
(27724)

Komo – Torino 1:0
Duvikas, 38. (10658)

Napoli – Empoli 3:0
Maktominey, 18; 61. Lukaku, 56.

1. İnter 32 21 8 3 72-31 71
2. Napoli 32 20 8 4 51-25 68
3. Atalanta 32 18 7 7 65-30 61
4. Yuventus 32 15 14 3 49-30 59
5. Bolonya 32 15 12 5 51-37 57
6. Latsio 32 16 8 8 53-43 56
7. Roma 32 15 9 8 47-32 54
8. Fiorentina 32 15 8 9 49-32 53
9. Milan 32 14 9 9 51-37 51
10. Torino 32 9 13 10 36-37 40
11. Udineze 32 11 7 14 36-46 40
12. Cenoa 32 9 12 11 29-38 39
13. Komo 32 9 9 14 40-48 36
14. Verona 32 9 5 18 30-59 32
15. Kalyari 32 7 9 16 32-47 30
16. Parma 32 5 13 14 37-51 28
17. Leççe 32 6 8 18 23-52 26
18. Venetsiya 32 4 12 16 25-44 24
19. Empoli 32 4 12 16 24-50 24
20. Montsa 32 2 9 21 25-56 15

Bombardirlər: Retegi (Atalanta) - 23, Ken (Fiorentina) - 17, M.Türam (İnter) - 14, Lukman (Atalanta) - 13.

Turun rəqəmi
54 – “İnter” Simone İnzaqinin başçılığı altında çempionatın ev oyunlarında qələbə sayını bu rəqəmə çatdırdı. Bu, qitənin 5 aparıcı liqasında onun baş məşqçi vəzifəsinə təyin olunduğu 2021-ci ildən indiyədək qeydə alınan 3-cü ən yaxşı göstəricidi. Ötən müddətdə “Real” da La Liqanın ev oyunlarında bu qədər qələbə qazanıb. Bu planda lider “Mançester Siti” (56), 2-ci yerdə isə “Liverpul”du (55).

Turun ulduzu
Mateo Retegi (Atalanta) - “Atalanta” evdə “Bolonya” üzərində maksimum nəticəyə nail olmaqla yenidən ÇL-ə vəsiqə verən yerlər uğrunda mübarizədə möhkəmləndi. Vacib qələbədə ən böyük rolu Retegi oynadı. 25 yaşlı hücumçu 1 qol və məhsuldar ötürmə ilə karyerasının ən yaxşı mövsümünü keçirdiyini bir daha göstərdi.

Turun sitatı
Kristian Pulişiç, “Milan”ın yarımmüdafiəçisi: