A seriyasının 31-ci turu ilk növbədə Milan klublarının xal itkiləri ilə yadda qaldı. Həftəiçi ölkə kubokunun ilk yarımfinal matçında 1:1 hesabına razılaşan lombardiyalılar çempionat oyununda da rəqibləri ilə “sülh bağladılar”.

Halbuki “İnter” Parmadakı matçın ilk hissəsini iki topluq üstünlüklə başa vurmuşdu. Lakin İtaliyanın son çempionu fasilədən sonra tədricən oyun planında üstünlüyünü əldən verdi. Ev sahibləri 9 dəqiqə ərzində hər iki qolun əvəzini çıxmaqla xal qazandılar. “İnter” qələbəni mental və fiziki yorğunluq səbəbindən əldən versə də, liderliyini qorudu.

Milanın eyniadlı komandası isə “Fiorentina” ilə ev oyununun ilk 10 dəqiqəsində qapısından ardıcıl iki qol buraxdı. Abrahamın ilk hissədəcə fərqi azaltması meydan sahiblərinə psixoloji planda kömək oldu. Serjio Konseysaonun komandası fasilədən sonra üstünlüyü böyük ölçüdə ələ aldı. Lakin milanlıların gücü yalnız məğlubiyyətdən qaçmağa çatdı. Müxtəlif turnirlərdə keçirilən son 9 oyundan yalnız ikisini qalib başa vuran ölkə nəhəngi praktiki olaraq Çempionlar Liqasına sonuncu vəsiqəni verən 4-cü yerdən bir qədər də aralı düşdü.

Mövsümün həlledici mərhələsinin əvvəlində “Atalanta”nın dərin böhran yaşaması da diqqətdən yayına bilməz. Hələ bir neçə həftə əvvəl İtaliya futbol ictimaiyyəti berqamoluların çempionluq uğrunda mübarizədə şanslarını dəyərləndirməyə başlamışdı. Lakin Can Pyero Qasperininin komandası evdə “Latsio”ya da boyun əydi – 0:1. “Atalanta” ardıcıl 3-cü məğlubiyyətlə lider “İnter”dən 10 xal geri düşdü.

Turun ən çox maraq doğuran oyunu paytaxtda baş tutdu. Klaudio Ranyerinin baş məşqçi vəzifəsinə təyinatından sonra yüksəlişdə olan “Roma” tura 5-ci yerdə başlayan “Yuventus”a qalib gəlməklə turinlilərlə xalını bərabərləşdirəcəkdi. Lakin matçın gedişində hesabda geri düşən “canavarlar” yalnız bir xal qazana bildilər.

31-ci tur
Parma – İnter 2:2
Bernabe, 60. Ondreyka, 69 – Darmian, 15. M.Türam, 45. (22126)
İnter: Zommer, Bastoni (Auqusto, 46), Açerbi, Bissek, Darmian, Dimarko (Zalevski, 59), Mxitaryan, Asllani (Arnautoviç, 81), Çalhanoğlu (Frattezi, 65), Martines (Korrea, 65), M.Türam.

Milan – Fiorentina 2:2
Abraham, 23. Yoviç, 64 – Tiav, 7-öz qapısına. Ken, 10. (72451)
Milan: Menyan, Ernandes, Tomori, Tiav, Uoker, Musa (Yoviç, 23), Fofana (Bondo, 80), Reynders, Pulişiç (Çukvueze, 80), Leao, Abraham (S.Ximenes, 55/ Feliş, 80).
Fiorentina: De Xea, Mari, Ranyeri, Ponqraçiç (Komutso, 72), Parizi (Folorunşo, 72), Dodo, Kataldi (Ndur, 59), Mandraqora (Adli, 88), Facoli, Qudmundsson (Beltran, 59), Ken.

Atalanta – Latsio 0:1
İsaksen, 54. (22731)
Atalanta: Karnesekki, Kolaşinats, Hin, Cimşiti, Bellanova, Zappakosta, De Roon, Ederson (Breşianini, 78), Kuadrado (De Ketelare, 58), Lukman (Samarciç, 74), Retegi (Maldini, 75).
Latsio: Mandas, Tavareş (Luka Pelleqrini, 34), Jiqo (Provstqor, 68), Xila, Latsari, Rovella, Belayan, Zakkanyi (Noslin, 69), Dele Başiru, Çauna (İsaksen, 46), Dia (Vesino, 84).

Roma – Yuventus 1:1
Şomurodov, 49 - Lokatelli, 40. (65778)
Roma: Svilar, Ndika, Hummels (Şomurodov, 46), Mançini, Çelik (Nelsson, 72), Anxelinyo, Kone, Kristante (Paredes, 61), Sule, Əl-Şaaravi (Qurna Duat, 61), Dovbik (Baldantsi, 85).
Yuventus: Di Qreqorio, Kalulu, Veyqa, Kelli, Makkenni, Lokatelli (Savona, 76), K.Türam, Vea (Kambyaso, 68), Qonsales (Koopmeyners, 69), Yıldız, Vlahoviç (Kolo Muani, 68).

Cenoa – Udineze 1:0
Zanoli, 77. (31243)

Montsa – Komo 1:3
Mota, 5 – İkone, 16. Diao, 39. Voyvoda, 51. (8649)

Leççe – Venetsiya 1:1
Baskirotto, 65 – Qallo, 50-öz qapısına. (25709).

Empoli – Kalyari 0:0
(8500)

Torino – Verona 1:1
Elmas, 67 – Sarr, 64. (25497)

Bolonya – Napoli 1:1
Ndoy, 64 – Zambo-Anqissa, 18. (38279)

1. İnter 31 20 8 3 69-30 68
2. Napoli 31 19 8 4 48-25 65
3. Atalanta 31 17 7 7 63-30 58
4. Bolonya 31 15 12 4 51-35 57
5. Yuventus 31 14 14 3 47-29 56
6. Latsio 31 16 7 8 52-42 55
7. Roma 31 15 8 8 46-31 53
8. Fiorentina 31 15 7 9 49-32 52
9. Milan 31 13 9 9 47-37 48
10. Torino 31 9 13 9 36-36 40
11. Udineze 31 11 7 13 36-42 40
12. Cenoa 31 9 11 11 29-38 38
13. Komo 31 8 9 14 39-48 33
14. Verona 31 9 4 18 30-59 31
15. Kalyari 31 7 9 15 31-44 30
16. Parma 31 5 12 14 37-51 27
17. Leççe 31 6 8 17 22-50 26
18. Empoli 31 4 12 15 24-47 24
19. Venetsiya 31 3 12 16 24-44 21
20. Montsa 31 2 9 20 25-55 15

Bombardirlər: Retegi (Atalanta) - 22, Ken (Fiorentina) - 17, M.Türam (İnter) - 14, Lukman (Atalanta) - 13.

Növbəti turun oyunları aprelin 11-14-ü aralığında keçiriləcək: Udineze - Milan, Venetsiya – Montsa, İnter - Kalyari, Yuventus – Leççe, Atalanta – Bolonya, Fiorentina - Parma, Verona – Cenoa, Komo - Torino, Latsio - Roma, Napoli - Empoli.

Turun rəqəmi
3 - hazırda çempionatda ən çox qol vuran 2-ci komanda olan “Atalanta” martın 9-da səfərdə “Yuventus”u 4:0 hesabıyla darmadağın etmişdi. Maraqlısı odu ki, berqamolular Turindəki fantastik qələbədən sonra keçirdikləri 3 matçda xal qazana bilməyiblər. Onların “İnter” (0:2) və “Fiorentina”dan (0:1) sonra “Latsio”ya da qol vura bilməməsi daha gözlənilməz fakt sayılmalıdı.

Turun ulduzu
Qustav İsaksen (Latsio) - “Latsio” Berqamoda maksimum nəticəyə nail olmaqla yenidən ÇL-ə vəsiqə verən yerlər uğrunda mübarizəyə qoşuldu. Paytaxt komandasının “Atalanta” üzərində qələbəsi İsaksenin qolu ilə reallaşdı. Meydana ikinci hissədə daxil olan 23 yaşlı danimarkalı komandasının hücumuna əlavə enerji qatmağı bacardı.

Turun sitatı
Massimiliano Farris, “İnter”in məşqçisi: