Son vaxtlar veteran futbolçular tez-tez qəribə açıqlamalarla yadda qalır. Kamran Ağayev isə həmişə belə olub. Onun hərəkətlərini, addımlarını proqnozlaşdırmaq çətindi. Adam yaşa dolsa da, dəyişmir ki, dəyişmir…

Bu dəfə efirdə nə desə, yaxşıdı. Buyurun, qulaq asın:

Bu nə deməkdi, Kamran bəy? Niyə? Sənə zəng edəndə nə olur? İndi belə çıxır ki, sənlə bağlı ən adi suala cavab tapmaq üçün şəhərboyu fəaliyyətini izləməliyik? Yoxsa bəlkə “çip” yapışdıraq ayaqqabına, vaxtaşırı olduğun yerlərlə bağlı bizə siqnal ötürsün.

Hansısa komandanın baş məşqçisi olsaydın, düşünərdik ki, onsuz da mətbuat konfranslarında tuta, sualımıza cavab ala biləcəyik. Deyilsən və təbii ki, medianın bu yolla sənlə əlaqə qurmaq lüksü yoxdu. Yeganə yol mobil telefonuna zəng etməkdi ki, onu da ildə bir dəfə açasan, ya da açmayasan.

Özündənrazılıq, müştəbehlik heç də yaxşı əlamət deyil. Zərərli vərdişdi, adamı yaxşı yerlərə aparıb çıxarmır. Özünü, davranışını, yanaşmalarını dəyiş, necə deyərlər, köhnə bazara təzə nırx qoyma!

MÜZƏFFƏR QULUZADƏ