“Əsassız məlumatların hardan yarandığını deyə bilmərəm. Düzü, heç oxumamışam da. Amma klubda maaş problemi yoxdu. Nə futbolçuların maaşı gecikir, nə də qalan işçilərin. Yanvardan bəri bir dəfə də gecikmə olmayıb. Baş məşqçiylə bağlı iddialara gəlincə, onun qarşısına bu mövsüm komandanı 1-ci liqada saxlamaq tələbi qoyulub. Fizuli müəllim işinin öhdəsindən lazımınca gəlir. Heyətə və nəticələrə baxsaq, hər şey göz qabağındadı. İşinin öhdəsindən artıqlamasıyla gələn məşqçidən rəhbərliyin narazı olması mümkün deyil. Mövsüm başa çatmamış belə məlumatların yayılması, ümumiyyətlə, təəccüblüdü. Futbolçuların narazılığına gəlincə, bu da absurddu. Mən əksini görürəm. Komandanın hazırlıq prosesini də, oyunlarını da izləyirik. Futbolçuların heç birindən baş məşqçi ilə bağlı narazılıq eşitməmişəm. Gənc oyunçuların fiziki planda nə dərəcədə inkişaf etdiyini görmək çətin deyil. Gənclər savadlı məşqçinin rəhbərliyi altında çox şey öyrənirlər”.