“Kəpəz” Misli premyer-liqasının 30-cu turunda “Araz-Naxçıvan”la heç-heçə etdi - 0:0.

“Football-plus.az” xəbər verir ki, oyundan sonra meydan sahiblərinin baş məşqçisi Azər Bağırov jurnalistlər önünə çıxıb.
- Uşaqlar möhtəşəm oynadı. Epizodlarımızı qola çevirə bilməsək də, futbolçulara təşəkkür edirəm. Bu gün iki xal itirdik.

- Rati ilə Paçunu dəyişdiz. Bu nə ilə bağlı idi?
- Futbolçular yenilənməlidi. İlk güclə sondakı güc bir deyil. Oyunun hansı tempdə getdiyini gördük. İrəlidə sürəti artırmaq istədik. Rəqibin iki cinahını da yormaq istəyirdik. Təəssüf ki, son nöqtəni qoya bilmədik.

- Camal Cəfərov üç real qol vəziyyətini qaçırdı…
- Texniki keyfiyyətlərlə bağlıdı. Camal bişmiş futbolçudu. Qol duyumunda və epizodu hiss etməkdə geri qalır. Çoxdan oynamır. Gənc futbolçulara imkan yaratmaq lazımdı.

- Mahamadu Banın durumu necədi?
- Sabahdan məşqlərə başlayacaq. “Sabah”la oyunda ciddi zədələndi. Durumu normaldı. Topuğunda şiş var.

ƏSƏD SEYİDOV