“Kəpəz” Misli premyer-liqasının 28-ci turunda “Səbail”lə heç-heçə etdi - 1:1.

“Football-plus.az” xəbər verir ki, oyundan sonra meydan sahiblərinin baş məşqçisi Azər Bağırov mətbuat konfransında görüş haqda fikirlərini bildirib.

- Məncə, sizlər üçün də maraqlı oyun oldu. İki fərqli matç izlədik. İkinci yarıda əks-hücumlarda oyunumuzuqurmaq istədik. Standart vəziyyətdən qapımızda qol gördük. Bu barədə futbolçularla danışıq aparmışdıq. Bu oyun qələbə qazana bilsəydik, turnir cədvəlində vəziyyətimizi yaxşılaşdıra bilərdik.

- “Neftçi”ni məğlub, “Qarabağ”la heç-heçə edən, “Kəpəz” “Səbail”i niyə məğlub edə bilmir?
- Psixoloji gərginlik olur. Məğlub olmaq istəmirsən, səhvlər olur. “Neftçi” və “Qarabağ”la daha rahat oynayırlar. Məncə, psixploji problemdi.

- Yeni transfer növbəti mövsüm üçün idi?
- Sırf mərkəz müdafiəçisi ilə bağlı problemləriniz var. İlkinin zədəsi var idi. “Qarabağ”la oyunda yaxşı təsir bağışladı. Bu oyunda da meydanda olmaq istədi.

- 90 dəqiqəni eyni tempdə keçirməyə nə mane oldu?
- Daha çox əks-hücumda rəqibi yaxalamaq istədik. Əks-hücumdakı incə paslar çatmadı. Daha çox alınmadı.

- “Sumqayıt”a məğlubiyyətdən sonra komanda daxilində bəzi problemlərin olduğunu söylədiniz. Həmin problemlər həll olundu?
- Komanda daxilində olan problemlərdən danışamağa dəyməz. Futbolçulara bir siqnalım var idi. O problemlər qəbirə getməlidi.
- İlkin Qırtımovun əvəzində Xvalkonu meydana buraxmaq olmazdı?
- Böyük dəyişikliklər etmək istəmirdik. “Qarabağ”la oyunda daha yaxşı müdafiə olunduq. İlkin sona yaxın çatdırmadı.

- Xvalkoya psixoloji baxımdan təsir etməz?
- Xvalko da komandanı istəyir. Böyük ölçüdə heçnəyi dəyişə bilmirik.

- Komanda daxilində problemləriniz davam edir?
Oyunun nəticəsi məni məyus etdi. Yerdə qalan məsələlər öz həllini tapıb. İradım futbolçulara siqnal idi, ayılmaq lazımdı. Qarşıda 8 tur var. Gəncədə futbol qalmalıdı.

ƏSƏD SEYİDOV