Karlo Ançelottinin “Real”da qalmaq perspektivinə tezliklə aydınlıq gələ bilər.

“Defensa Central”a görə, komanda Çempionlar Liqasının 1/4 finalında “Arsenal” səddini keçə bilməsə, italiyalı mütəxəssis böyük ehtimalla yayda baş məşqçi vəzifəsini tərk edəcək. Amma onun istənilən halda “Real”a iyunda start götürəcək Klublararası Dünya Çempionatında başçılıq edəcəyi dəqqdi.

Yeri gəlmişkən, don Karlonun yayda Braziliya yığmasına təyinat almaq şansı var. Onun “Real”dakı yerini tutmağa əsas namizəd isə “Bayer-04”ü çalışdıran Xabi Alonso sayılır.