Həftəsonu İranın futbol çempionatında 25-ci turun oyunları keçirilib.

Çempionluğa ən real namizəd olan “Traktor” cümə günü evdə prinsipial rəqiblərindən “Esteqlal”la oyuna çıxıb. 12-ci dəqiqədə avtoqola üzülən təbrizlilər elə ilk yarıda irəli çıxıb – 2:1. Qələbə hesabını qoruyan “qırmızılar” 54 xalla turnir cədvəlinə başçılıq edir. “Traktor”un ən yaxın izləyicilərindən “Sebahan” “Alüminium”la səfər oyununda gözlənilmədən xal itirib (1:1), “Persepolis” evdə Xuzistan “Esteqlal”ı ilə heç-heçə (0:0) edib. Bir sözlə, bu turun bütün nəticələri qardaşlarımızın çempionluğu üçün yol açıb. “Traktor”un hələ ehiyatda bir oyunu da var. “Sebahan”ın 50, “Persepolis”in 48 xala malik olduğunu da xatırladaq.

Daha bir maraqlı məqam odu ki, cari mövsümdə hakimlər “Traktor”un xeyrinə bircə dəfə də penalti təyin etməyib. 26-cı turun proqramına gəlincə, təbrizlilər aprelin 11-də “Çadormolu”nun qonağı olacaq, “Sepahan” isə “Mes Rəfsəncan”ı qəbul edəcək. “Çadormolu” 30 xalla 6-cı, “Mes Rəsfancan” 24 xalla 14-cü pillədədi. Aşağı liqaya düşməmək uğrunda mübarizə aparan “Mes Rəfsəncan”a qələbə hava-su kimi lazım olduğundan, “Sepahan”ın bu oyunda da xal itirmək ehtimalı realdı.

İranda iş təcrübəsinə malik olan Vaqif Sadıqovla “Traktor”un mümkün çempionluğu, bu uğurun Güney Azərbaycan türkləri üçün əhəmiyyəti haqda danışdıq: