Qauff Federerin agentliyindən ayrıldı
Qadın tennisçilər arasında reytinqin 3-cü pilləsində qərarlaşan Kori Qauff Rocer Federerə məxsus “Team 8” agentliyi ilə əməkdaşlığı dayandırdığını elan edib.
"Football-plus.az" xəbər verir ki, o, bununla bağlı sosial şəbəkə hesabında paylaşım edib:
“İdmançı, iş adamı və dəyişikliklər tərəfdarı kimi böyüməkdəyəm. “Team 8” ilə əməkdaşlığı dayandırmağa qərar verdim. Bu agentliyin mən və ailəm üçün etdiklərinə görə minnətdaram. Bu dönəmi ən yaxşı hisslər ilə xatırlayacam”.
Qauff 2017-ci ildən bəri adı çəkilən agentlik ilə əməkdaşlıq edirdi. 21 yaşlı amerikalı ulduzun özünə məxsus olan “Coco Gauff Enterprises” brendini işə salacağı gözlənilir.
Digər xəbərlər
