2-ci liqada mübarizə aparan “Şəki Siti” cəzalandırılıb.

"Football-plus.az" xəbər verir ki, buna 19-cu turun “Şahdağ Qusar” oyunundakı xoşagəlməz hadisələr olub. AFFA-nın İntizam Komitəsi isə bugünkü iclasında "Şəki Siti"ni cəzalandırıb və cərimələyib.

"Şəki Siti” azarkeşlərinin rəqib futbolçulara kənar əşyalar atmasına görə 80 manat, rəqib futbolçuların ünvanına kütləvi şəkildə təhqiramiz ifadələr səsləndirməsinə və bu hal cari mövsümdə 2-ci dəfə yaşanmasına görə 50 manat cərimə edilib.

Həmçinin “Şəki Siti” görüş bitdikdən sonra təhlükəsizliyi düzgün təmin etmədiyinə görə 400 manat cərimələnib. Bundan əlavə, komandanın növbəti ev oyunu azarkeşsiz keçirilməsinə qərar verilib.