“Kəpəz” Misli premyer-liqasının 23-cü turunda “Şamaxı” ilə heç-heçə etdi - 1:1.

“Football-plus.az” xəbər verir ki, oyundan sonra meydan sahiblərinin baş məşqçisi Azər Bağırov mətbuat konfransı keçirdi.

- Maraqlı oyun oldu. İki fərqli hissə izlədik. İlk həssədə üstün tərəf biz idik. İkinci yarıda orta xətdə və cinahlarda “dişsiz” idik. Sevindirici haldı ki, artıq üç turdu çempionatda məğlub olmuruq.

- Matçdan sonra çox əsəbi görünürdüz. Nə ilə bağlı idi?
- Öz futbolçularıma qarşı idi. Evdə bu xallar çox vacibdi. Qarşıda “Zirə” ilə önəmli matçımız var.

- Oyundan əvvəl deyilsəydi ki, bu matç heç-heçə bitəcək, inanardız?
- Hər bir məşqçi qələbə üçün çıxır. Həddən artıq qələbə istədik.

- Komanda da mərkəz müdafiəçisi problemi var?
- Nemət Musayev var. Neməti birdən-birə meydana atmaq istəmədik. Növbəti oyunlarda onu meydanda görə bilərik. Orta xətt oyunçusunun geridə oynaması problem deyil.

- İndiki heyətin potensialı bundan da artığına imkan verirmi?
- Gündən-günə daha yaxşı olmağa çalışırq. Futbolçulardan tələbimiz ondan ibarətdi ki, daha az səhv edək. Çatışmazlıqlarımız çoxdu.

- Hücum xəttinin iki futbolçusunu meydandan çıxardız…
- Cinahlardan oyun qurmaq istədik. Ehtiram iki qol imkanını qaçırdı. İstədiyimizi gerçəkləşdirəcək futbolçuları meydana buraxdıq.

ƏSƏD SEYİDOV