''Yuve''də baş verənlərlə bağlı heç bir fikrim yoxdu. Bu mövzuda danışmaq istəmirəm. Növbəti klubu seçərkən hansı kriteriyalara önəm verəcəm? İlk növbədə kiminlə çalışacağımı bilməliyəm və klub mənə istədiyim oyunçuları ala biləcəyimə zəmanət verməlidi. Böyük xərclərin altına girməyə hazır olub-olmadıqlarını bilməliyəm. Baş məşqçinin üzərinə böyük yük düşür və işlər qaydasında getmədikdə məşqçi məsuliyyəti üzərinə götürməkdən çəkinməməlidi. Çünki adətən komandanın necə oynamalı olduğuna məşqçi qərar verir və üstəlik o, futbolçulardan daha çox qazanır. Ona görə də uğursuz nəticənin əsas yükü onların üzərinə düşür. Məşqçini dəyişmək bütün oyunçuları dəyişməkdən daha asandı. Amma bir məqam var ki, yeni məşqçiyə mütləq zaman verilməlidi. İtaliyada adətən məşqçiyə 6 ay verirlər. Bu müddət tamam olduqdan sonra nəticələr düzəlmirsə, məşqçi müzakirə olunmağa başlayır. Artıq İngiltərə də bu yolla irəliləyir. Məşqçi üçün ona güvənən bir klub tapmaq çox önəmlidi. İngiltərədə adətən hər şeylə məşqçi maraqlanır və o özü qərar verir. Hətta səyahətləri də məşqçi təşkil edir. Çünki orda idman direktoru olmur. Bütün təşkilatçılıq yükü məşqçinin üzərinə düşür. Etiraf etməliyəm ki, bu, heç də pis məqam deyil. İtaliya klublarında isə həm idman direktoru olur, həm də baş müdür. Artıq İngiltərə də yavaş-yavaş bu modelə keçir. Orda da bəzi klublarda idman direktorları gətirilib. İngiltərənin futbol mədəniyyəti fərqlidi. Qalib gəlsən də, məğlub olsan da, həmin axşam hər kəs bara gedə bilir. Orda futbol sadəcə bir oyun kimi qəbul olunur. Məğlubiyyət faciə kimi qiymətləndirilmir. Hamı anlayır ki, bu gün uruzdunsa, növbəti oyunda vəziyyəti düzəltmək şansın olacaq. Amma İtaliyada belə şey mümkün deyil. Ona görə də İtaliyada məşqçilərin üzərində təzyiq daha çoxdu''.