Prinsipcə Liqa 1-də mövsümü elə 26-cı turdan sonra da bitirmək olar.

Çempionluğa iddialı PSJ bir başqa iddialı “Marsel”i asanlıqla məğlub edirsə, hansı intriqadan danışa bilərik?! Halbuki cənublular qələbə qazansaydı, xal fərqi 13-ə enəcək, PSJ hansısa təzyiq hiss edəcəkdi. Turun mərkəzi oyununun il yarısı paytaxt klubunun 2:0 hesabıylı qələbəsiylə bitdi. Amma 2-ci hissənin əvvəlində Mendeşin kobud səhvindən sonra Quirinin fərqi azaltması cənubluları bir qədər ümidləndirdi. Ümid isə hələ nəticə deyil.

Fərq azalan kimi təzyiqi artıran parislilər 76-cı dəqiqədə Lirolanı “qapıların yerini səhv salmağa” sövq etdi. Oyunu asanlıqla qələbəyə daşıyan PSJ ən yaxın izləyicisi ilə xal fərqini də 19-a çatdırdı. İndi əsas sual Enrikenin komandasının çempionluğu hansı turda təmin edəcəyidi.

Hesabat turunda 3-cü pillənin sahibi dəyişdi. 2025-ci ildə ilk səfər qələbəsini qazanan “Monako” “Nitsa”nı turnir cədvəlində arxada qoydu. “Knyazlar” “Anje”nin qapısından son 13 dəqiqədə iki cavabsız top keçirdi. “Nitsa” isə “Oser”lə ev oyununda qələbəni 4-cü uzatma dəqiqəsində əldən verdi. “Lill” də gözlənilmədən büdrədi. “Nant”ın qonağı olan “şimallı itlər” rəqibin 74-cü dəqiqədə azlıqda qalmasından yararlana bilmədi. Əksinə, “Nant” 83-cü dəqiqədə yeganə qolu vurdu.

Turun qalan oyunlarına gəlincə, “Lion” “Havr”ı məğlub etməklə “avrokubok zonası”nda yerini qorudu. Həmin zonaya iddialı “Strasbur” evdə “Tuluza”ya qalib gəldi. “Lans” “Renn”dən üstün oldu, “Brest” – “Reyms” oyununda hesab açılmadı.

26-cı tur
PSJ – Marsel 3:1
Dembele, 17. Mendeş, 42. Lirola, 76-öz qapısına – Quiri, 51. (47000)
PSJ: Donnarumma, Hakimi, Beraldo, Paço, Mendeş, Zair-Emeri (Barkola, 64), Vitinya, Ruis, Due (Neveş, 73), Dembele (Li Kan İn, 80), Kvaratsxeliya (L.Ernandes, 80).
Marsel: Rulyi, Balerdi, Felipe (Lirola, 63), Kornelius, Enrike, Ronjye (Mope, 85), Kondoqbia (Bakola, 89), Dediç (Merlin, 63), Nadir (Qrinvud, 63), Rabyo, Quiri.

Anje – Monako 0:2
Biret, 77. Akliuş, 87-p. (11400)
Monako: Kön, Vanderson (Dyatta, 68), Sinqo, Kerer, Enrike (Mavissa, 82), Əl-Musrati (Kamara, 46), Zəkəriyə, Ben-Seqir (Embolo, 46), Minamino, Akliuş, Biret (Salisu, 90+1).

Nitsa – Oser 1:1
Gessand, 37 – Aye, 90+1. (18640)

Nant – Lill 1:0
Məhəmməd, 83. (28621)

Lans – Renn 1:0
Said, 47. (38182)

Lion – Havr 4:2
Lakazett, 22-p. Fofana, 78. Mikautadze, 82. Almada, 90+7 – Ture, 31-p. Kazimir, 45+1. (39991)

Brest – Reyms 0:0
(14517)

Strasbur – Tuluza 2:1
Lemarşal, 47. Santos, 54 – Maqri, 3. (19128)

“Monpelye” – “Sent-Etyen” oyunu 61-ci dəqiqədə - hesab 0:2 olarkən yerli azarkeşlərin meydana tüstü qumbaraları atması üzündən dayandırılıb.

1. PSJ 26 21 5 0 73-25 68
2. Marsel 26 15 4 7 53-33 49
3. Monako 26 14 5 7 51-32 47
4. Nitsa 26 13 8 5 50-31 47
5. Lion 26 13 6 7 50-33 45
6. Lill 26 12 8 6 40-28 44
7. Strasbur 26 12 7 7 41-33 43
8. Lans 26 11 6 9 31-29 39
9. Brest 26 11 4 11 38-40 37
10. Tuluza 26 9 7 10 33-29 34
11. Oser 26 8 8 10 37-39 32
12. Renn 26 9 2 15 35-37 29
13. Nant 26 6 9 11 29-43 27
14. Anje 26 7 6 13 26-42 27
15. Reyms 26 5 8 13 26-40 23
16. Havr 26 6 3 17 26-55 21
17. Sent-Etyen 25 5 5 15 25-57 20
18. Monpelye 25 4 3 18 21-59 15

Bombardirlər: Dembele (PSJ) – 21, Qrinvud (Marsel) – 15, Devid (Lill) – 14, Barkola (PSJ) – 13.
Növbəti turun oyunları martın 28-30-u aralığında keçiriləcək: Strasbur – Lion, Reyms – Marsel, Sent-Etyen – PSJ, Monako – Nitsa, Tuluza – Brest, Anje – Renn, Oser – Monpelye, Havr – Nant, Lill – Lans.

Turun rəqəmi
10 – “Marsel”in oyunçularının Liqa 1-də PSJ ilə qarşılaşmalarda səbəbkar olduqları avtoqolların sayı bu həddə çatdı. Bu, Fransa elitasında 1947/48 mövsümündən bəri iki komandanın duelləri ilə bağlı ən yüksək göstəricidi.

Turun ulduzu
Fabian Ruis (PSJ) – düzdü, qolları Dembele ilə Mendeş vurdu, ancaq hər iki halda məhsuldar ötürməni ispaniyalı yarımmüdafiəçi verdi. Cari mövsümdə artıq 3 qol da vuran təcrübəli futbolçu meydanın mərkəzində istədiyini edirdi.

Turun sitatı
Brel Embolo, “Monako”nun hücumçusu: