Zirə (Bakı) - Səbail (Bakı) 1:0 (0:0)
13. Aydın Bayramov - 6,0
32. Qismət Alıyev (k) - 6,0
8. İsmayıl İbrahimli - 6,0
(18. Martins Junior, 77) - qiymətsiz
11. Rüstəm Əhmədzadə - 5,6
(90. Davit Volkov, 66) - 5,5
4. Ruan Renato - 6,0
10. Georgi Papunaşvili - 6,0
70. İssa Cibrila - 5,5
(7. Məqsəd İsayev, 66) - 5,5
23. Rafael Utziq - 6,0
3. Ange Mutsinzi - 6,0
(14. Elçin Əlicanov, 77) - qiymətsiz
17. Ayron Qomis - 5,5
19. Salifu Suma - 6,5
Ehtiyat oyunçular
97. Tyaqo Silva
41. Anar Nəzirov
21. Hacıağa Hacılı
29. Ceyhun Nuriyev
5. Stefan Aka
15. Pyer Zebli
6. Eldar Quliyev
Baş məşqçi: Rəşad Sadıqov
Komandanın ən yaxşısı: Salifu Suma

1. Hüseynəli Quliyev - 5,6
96. İlkin Muradov - 5,0
(83. Nihad Quliyev, 90+2) - qiymətsiz
74. Yusif Nəbiyev (k) - 5,0
20. Mərt Çelik - 5,5
11. Rüfət Abdullazadə - 6,0
18. Süleyman Əhmədov, 81) - qiymətsiz
3. Dmitri Litvin - 5,5
99. İnnosent Nşuti - 5,5
(10. David Qomis, 68) - 5,0
4. Marko Nikoliç - 5,0
7. Madi Queta - 5,5
(22. Mirabdulla Abbasov, 81) - qiymətsiz
5. Gitay Sofir - 5,5
14. Süleyman Alluş - 5,0
Ehtiyat oyunçular
12. Əlirza Müştəbazadə
25. Nicat Məmmədzadə
77. Fərid Nəbiyev
19. Samir Abdullayev
16. Emin Rüstəmov
97. Oruc Məmmədov
88. Hacıəli Şirəliyev
44. Amir Bilali
Baş məşqçi: Cavid Hüseynov.
Komandanın ən yaxşısı: Rüfət Abdullazadə

Qol: R.Renato, 90+6 (M.İsayev).
Vərəqələr: H.Quliyev, 90+1 (oyunun bərpasının ləngidilməsi) - sarı. S.Alluş, 74 (təcavüzkar davranış) - qırmızı.
Hakimlər: TURAL QURBANOV, Asiman Əzizli, Rəhman İmami, Kamranbəy Rəhimov (hamısı Bakı).
VAR hakimi: Rəşad Əhmədov (Mingəçevir).
VAR hakiminin köməkçisi: Pərvin Talıbov (Bakı).
Hakim-inspektor: Ceyhun Haşımov (Bakı).
AFFA nümayəndəsi: Emin Cəfərov (Bakı).
9 mart. Zirə. İdman Kompleksinin stadionu. 700 tamaşaçı (1512 yerlik).
Birinci hissəyə 2, ikinci hissəyə 5 dəqiqə əlavə olunub.
Oyunun qiyməti: 6,0.

Kubokda mübarizəni dayandıran “Zirə”nin artıq tam çempionata kökləndiyi heç kimə sirr deyil.

Son 5 matçda qələbəyə həsrət qalan Cavid Hüseynovun komandası isə Zirəyə xal dalınca gəlmişdi. Yeri gəlmişkən, oyun günü “Səbail”in baş məşqçisinin 37 yaşı tamam olurdu. Futbolçuların əlinə onu xalla təbrik etmək üçün gözəl fürsət düşmüşdü. Amma…

Matçda ilk təhlükəli vəziyyət 3-cü dəqiqədə yarandı. Qismətin qapı qarşısına ötürməsini Rüstəm başla tamamlamaq istəsə də, Hüseynəli topu küncə çıxarmağı bacardı. 5 dəqiqə sonra Qismət yenidən qapı önünə ötürmə versə də, Utziq başla qeyri-dəqiq oynadı. “Qartallar”ın növbəti təhlükəli hücumu 12-ci dəqiqəyə təsadüf etdi. Utziqin zərbəsinə blok qoyulsa da, Papunaşvilinin uzaqdan baxımlı zərbəsi tirə tuş gəldi.

Qonaqların varlığını yalnız 20-ci dəqiqədə hiss etdik. Nşuti cərimə zərbəsində birbaşa qapını nişan alsa da, top “canlı sədd”ə dəyərək Mərtin önünə düşdü. Onun təkrar zərbəsi qeyri-dəqiq oldu. Cəmi 2 dəqiqə sonra Rüfət Abdullazadə uzaqdan bəxtini sınasa da, top qapıdan aralı keçdi. Qarşılıqlı hücumlar şəraitində davam edən hissənin sonunda “qartallar” hesabı açmağa yaxın oldu. Yusif Nəbiyevi geridə qoyan Salifu qapı önünə ötürmə verdi, amma Utziqin zərbəsi az fərqlə qapıdan aralı keçdi.

İkinci hissə də maraqlı alındı. Düzdü, təbiət, daha dəqiqi, sıx duman da artıq mübarizənin axarına “müdaxilə edirdi”. 59-cu dəqiqədə iki rəqibdən yayınan Queta qapını nişan alsa da, Aydın Bayramov zərbənin qarşısını aldı. 10 dəqiqə sonra Sumanın uzaqdan zərbəsi qeyri-dəqiq oldu. 0:0-a qane olmaq istəməyən Rəşad Sadıqov dəyişikliklərlə oyunun axarına müdaxilə etməyə çalışdı. Onun sonradan meydana buraxdığı Volkov hücum əməliyyatlarını canlandırdı. Amma yenə də hesab açılmaya bilərdi. Sadəcə, komandasının onsuz da rəqib hücumlarının qarşısını çətinliklə almasının fərqinə varmayan Alluş 74-cü dəqiqədə heç nədən “qırmızı” aldı.

Bundan sonra “qartallar” hücum dalğasını bir qədər də gücləndirdi. Məqsədin zərbəsi qapıdan aralı keçdi. 82-ci dəqiqədə Salifunun zərbəsindən sonra top qapı dirəyinə tuş gəldi. 90-cı dəqiqədə Salifu növbəti dəfə “dirəyin möhkəmliyini yoxladı”.

Nəhayət, son saniyələrdə meydan sahibləri qol istəyinə çatdı. Künc zərbəsi zamanı Rəşad Sadıqov Məqsəd İsayevə cərimə meydançasına daxil olmağı tapşırdı. Bu göstərişin bəhrə verdiyini qeyd etməliyik. Qismət kornerdən qapı qarşısına öütürmə verdi. Məqsəd başla zərbə endirsə də, top Ruana dəyərək tora daxil oldu. Qonaq müdafiəçilər həmin anda sanki hücumun axarını izləyirdi…

Beləliklə, “Zirə” ötən tur avrokuboklar uğrunda mübarizə aparan “Turan Tovuz”u məğlub edəndən sonra evdə “Səbail”dən də 3 xal ala bildi. 2-ci yer isə artıq avrokuboklara yüzfaizlik təminatdı.

Gözdən qaçmadı
* “Qartallar” və “Dənizçilər” azarkeş qrupları tribunada yerini almışdı.
* Oyunu izləyənlər arasında yığmanın baş məşqçisi Fernando Santuş da var idi.

ƏSƏD SEYİDOV