Rusiyalı futbolçunun meneceri ukraynalı qapıçını ''debil'' adlandırdı
Uzun illərdi, karyerasını ''Monako''da davam etdirən Aleksandr Qolovinin maraqlarını təmsil edən menecer Aleksandr Klyuev ''Benfika'' ilə cavab oyunundan öncə bu komandanın ukraynalı qapıçısı Anatoli Trubinlə bağlı qalmaqallı açıqlama verib.
Xatırladaq ki, bu komandalar cari mövsümdə artıq 3-cü dəfə üz-üzə gələcək. Əvvəlki hər iki qarşılaşmadan öncə Trubin Qolovinin əlini sıxmaqdan imtina etmişdi. Qeyd edək ki, ''Benfika'' ÇL-də həm əsas mərhələdə (3:2), həm də pley-offun ilk oyununda (1:0) səfərdə ''Monako''dan üstün olmuşdu.
Qolovinin meneceri bunları deyib:
''Aleksandr psixoloji cəhətdən möhkəm insandı. Həm də debillərdən inciməyə dəyməz. Tanrı bir insana ağıl verməyibsə, biz nə edə bilərik? Bu hadisə Saşaya pis təsir etmədi. İlk görüşdə o heç də pis performans sərgiləmədi. Sadəcə ''Monako'' yenə ikinci hissənin əvvəllərində azlıqda qaldı. Bu epizod oyunun taleyinə təsir etdi''.
Xatırladaq ki, Rusiyanın Ukraynaya hərbi təcavüzü artıq 3 ilə yaxındı, davam edir.
ƏLİ
Digər xəbərlər
