Halep bitirdi və etiraf etdi - "Dopinq qalmaqalı məni təbdən çıxardı"
Simona Halep karyerasını bitirdiyini elan edib. 33 yaşlı rumıniyalı bu ölkənin Kluj-Napoka şəhərində keçirilən turnirdə italiyalı Lyuçiya Brontsettiyə uduzandan (1:6, 1:6) sonra qərarını açıqlayıb.
O, qərarını belə şərh edib:
“Rahatlıq qazandım, təmizəm. Dopinq qalmaqalı psixikama təsir etməsə də, məni təbdən çıxardı. Dincəlmək istəyirəm, ona görə ki, emosional cəhətdən tükənmişəm. Kluj-Napoka sakinləri ilə vidalaşdım. Bu doğru qərardı, ona görə ki, hər gün məşq etməsən, işin öhdəsindən gələ bilməyəcəksən”.
Halepin dediyinə görə, bu qərar ona asan başa gəlib. Axı peşəkar planda özündən razıdı:
“Bəlkə də həyatda başqa nəsə də var. Düşünürəm ki, özümü başqa sahələrdə sınamağın vaxtıdı”.
Xatırladaq ki, rumıniyalı xanım tennusçi 2022-ci ilin payızında dopinq qəbulunda suçlanaraq 4 illiyə yarışlardan uzaqlaşdırılmışdı. Ancaq ötən ilin yazında İdman Arbitraj Məhkəməsi (CAS) onun cəza müddətini 9 aya endirdi. Həmin vaxtdan bəri yarışlara qatılan Halep ümumilikdə 24 WTA turniri qazanıb. Dünyanın sabiq bir nömrəli raketkası 2018-də “Rolan Qarros”un, 2019-da isə “Uimbldon”un qalibi olub.
Digər xəbərlər
