Halep Mayami turnirinə qatılacaq
Rumıniyalı tennisçi Simona Halep sosial şəbəkə hesabında Mayami turnirinə qatılacağını açıqlayıb:
“Sevinc hissi ilə bildirirəm ki, bir həftədən sonra Mayami turnirində iştirak edəcəm. Korta və yarış prosesinə dönmək üçün səbirsizlənirəm. Tezliklə görüşənə qədər”.
Tennisçi bir neçə gün əvvəl martın 19-31-i aralığında Mayamidə keçiriləcək turnirdə iştirak üçün “wild-card” alıb. Xatırladaq ki, İdman Arbitraj Məhkəməsi (CAS) martın 5-də 32 yaşlı Halepin antidopinq qaydalarını pozmağa görə üzləşdiyi 4 illik cəzanı 9 aya endirib. Rumıniyalı ulduz 2022-ci ilin oktyabrında başlayan cəza müddətini arxada qoyduğuna görə artıq korta qayıda bilər.
Digər xəbərlər
