Niderland çempionatında qeyri-adi hala təsadüf edilib.

Kuryoz hadisə 19-cu turun “Herenven” – “Fortuna” matçında baş verib.

Matçın son dəqiqələrində “Fortuna”nın heyətində 12 futbolçu olub! Məsələ ondadı ki, qonaqları çalışdıran Danni Böys 88-ci dəqiqədə Dario Qruyçiç ilə Ouen Consonu meydana buraxıb. Onların əvəzində Rayan Fosso və Yasper Dalhaus meydanı tərk etməli olduqları halda, sonuncu oyunda qalıb. Yasper qaydalara zidd şəkildə təxminən bir dəqiqə meydanda olub. Bu zaman ev sahiblərinin baş məşqçisi Robin van Persi “bura həvəskarlar liqasıdı” deməklə 4-cü hakimə etirazını bildirib. Maraqlıdı ki, Dalhaus meydanı tərk edəndən sonra “Fortuna” künc zərbəsi ilə hesabı 2:2 edib. Oyun elə bu hesabla da başa çatıb.

Yerli federasiyanın matçın nəticəsini ləğv edəcəyi ehtimal olunur. Yeri gəlmişkən, “Fortuna” hazırda erediviziyada 21 oyuna 26 xalla 8-ci, “Herenven” isə 25 xalla 10-cu yeri tutur.