İsveçrənin dünyaca məşhur saat markası olan “Hublot” yeni “Big Bang Unico Novak Djokovic” markasını təqdim edib.

"Football-plus.az" xəbər verir ki, “Böyük dəbilqə” turnirlərinin 24 qat qalibi olan serb Novak Cokoviçin şərəfinə istehsal olunan saatın qiyməti 54,9 min avrodu.

Şirkət bu modelin yaradılmasında Cokoviçin üç “Böyük dəbilqə” turniri qazandığı 2023 mövsümünün gedişində yararlandığı 25 HEAD raketkasından, həmçinin 17 tünd-göy və 15 açıq-göy “Lacoste” polosundan istifadə edib.

Sonuncu “Australian Open”də yarımfinala qədər irəliləyən Novak zədə üzündən mübarizədən çəkilib. Sonradan onun bud əzələsinin yırtıldığı bəlli olub.