''Real''ın baş məşqçisi Karlo Ançelotti klubdakı gələcəyi ilə bağlı yekun qərarını verib. ''Onda Cero'' nəşrinin iddiasına görə təcrübəli italiyalı mütəxəssis mövsümün sonunda komandadan ayrılmaq qərarına gəlib!

''Football-plus.az'' xəbər verir ki, Ançelotti hətta komandası bu mövsüm Çempionlar Liqasını və La Liqanı qazanacağı təqdirdə belə bu qərarından dönməyəcək. Yəni onun qərarı qətidi. Xatırladaq ki, ''Real''da ikinci dönəmini keçirən 65 yaşlı mütəxəssis klub tarixinin ən çox titul qazanan məşqçisi statusundadı. Düzdü, ''Kral klubu'' hazırda İspaniya çempionatında liderdi. Elə ÇL-də də komandanın pley-offa yüksəlmək şansları pis deyil. Amma ''Real''ın bu mövsüm əzəli rəqib ''Barselona''ya qarşı hər iki qarşılaşmada darmadağın olması Ançelottinin nüfuzuna ciddi zərbə vurdu. Xüsusilə bu yaxınlarda superkubokun finalında qeydə alınan 2:5 hesablı biabırçı məğlubiyyətdən sonra ''Real'' rəhbərliyinin Ançelottinin klubdakı gələcəyinə dair ciddi şübhələri yarandı.

Əslində Madrid nəhənginin itirəcəyi bir şey yoxdu. Zatən Ançelotti ayrılan kimi Xabi Alonsonun ''Bayer-04''dən ayrılaraq ''Real''ın başına keçəcəyinə heç kim şübhə etmir. Alonso ÇL-də ''Atletiko'' ilə oyunöncəsi mətbuat konfransında bu mövzuda ona ünvanlanan suala belə cavab verdi:

Maraqlıdı ki, iddialara görə Ançelotti ''Real''dan ayrıldıqdan sonra karyerasını bitirmək niyyətində deyil. O, təkliflər arasında ən yaxşısını dəyərləndirməyi planlaşdırır.

ƏLİ