Misli premyer-liqasının maliyyə problemləriylə mübarizə aparan yeganə komandası olan “Kəpəz”lə bağlı xoş xəbər var.

“Football-plus.az”ın əldə etdiyi məlumata görə, Gəncə təmsilçisinin çətin günləri geridə qalıb. Bu barədə komandanın baş məşqçisi Azər Bağırov futbolçularla görüşdə məlumat verib.

Mütəxəssis bütün maddi çətinliklərin aradan qaldırıldığını, bundan sonra həm gecikən mükafatların ödəniləcəyini, həm də qələbə və heç-heçələr üçün vəd olunan əlavə məbləğlərin artırıldığını deyib. Şad xəbər komandada əhval-ruhiyyəyə müsbət təsir edib.

Klubun maliyyə dəstəyini hardan aldığı isə hələ bəlli deyil. Xatırladaq ki, “sarı-göylər”in İdarə Heyətinin sədri İlqar Nadiri bir neçə gün öncə mətbuata verdiyi açıqlamada sponsorla danışıqlar apardıqlarını, bütün məsələlərdə razılığa gəlmək üzrə olduqlarını bildirib.

Maraq üçün qeyd edək ki, məlumatı FİF-in icraçı direktoru Tural Piriyev də təsdiqləyib: