Kvaratsxeliyanın Neapol macərası başa çatır
''Napoli''nin ulduzu Xviça Kvaratsxeliya ilə bağlı mühüm transfer xəbəri var.
''Football-plus.az'' xəbər verir ki, Gürcüstan yığmasının üzvünün Neapoldan ayrılacağı ilə bağlı xəbərlər tez-tez mətbuatın bəzəyinə çevrilirdi. Amma bunlar bir qayda olaraq elə şayiə kimi qalırdı. Amma bu dəfə məsələ ciddidi. Bunu ''Napoli''nin baş məşqçisi Antonio Konte də təsdiqləyib. Təcrübəli mütəxəssis ''Verona'' ilə oyunöncəsi mətbuat konfransında Kvaratsxeliyanın komandadan ayrılmaq istədiyini və bunu şəxsən onun özünə dediyini açıqlayıb:
''Kvaratsxeliya ilə üzbəüz söhbət etdim.
Mənə ayrılmaq istədiyini və qərarının qəti olduğunu dedi. Təbii ki, onu fikrindən daşındırmaq üçün əlimdən gələni etdim. Amma birmənalı şəkildə ayrılmaq və karyerasında yeni səhifə açmaq istədiyini bildirdi''.
Mənə ayrılmaq istədiyini və qərarının qəti olduğunu dedi. Təbii ki, onu fikrindən daşındırmaq üçün əlimdən gələni etdim. Amma birmənalı şəkildə ayrılmaq və karyerasında yeni səhifə açmaq istədiyini bildirdi''.
Komandasının 2022/23-də qazandığı çempionluqda mühüm rol oynayan 23 yaşlı vinger bu mövsüm 19 rəsmi oyunda 5 qol, 3 məhsuldar ötürməlik performans sərgiləyib. Fabritsio Romanonun xəbərinə görə məşhur futbolçu artıq PSJ ilə beşillik anlaşma əldə edib. Amma transferin maddi detalları məlum deyil. Kvaratsxeliya Paris nəhənginə yollansa, illik qazancı ''Napoli''dəkindən 4-5 dəfə çox olacaq.
ƏLİ
Digər xəbərlər
