“Bəzən qeyri-ənənəvi davranışlar sərgiləməkdən çəkinmir” – “Nürnberq” rəsmisi Mahirdən danışdı
“Nürnberq”in idman direktoru Yoti Çatzialexiou Mahir Emrelinin mövsümün birinci yarısındakı çıxışını dəyərləndirib.
“Football-plus.az” “Bild”ə istinadla xəbər verir ki, funksioner hücumçudan gözləntilərini də gizlətməyib:
“Miro (komandanın baş məşqçisi Miroslav Klozeni nəzərdə tutur – red.) keçmiş hücumçudu. Onun bütün futbolçulardan, xüsusilə hücumçulardan tələbləri çox yüksəkdi. Məncə, Mahirin bəxtsizliyi bundadı. O, komandamızın təcrübəli və çox pul qazanan futbolçusudu. Bu üzdən çiyinləri üzərindəki yük çoxdu. O, daha çox inkişaf etmək üçün addımlar atmalıdı. Mahiri necə təsvir edə bilərəm? Azad ruhlu rəssam! Emrelinin 25 metrdən vurduğu gözəl qol mənim üçün çox dəyərlidi. Amma bəzən qeyri-ənənəvi davranışlar sərgiləməkdən çəkinmir”.
“Bild”in məlumatına görə, “Nürnberq” gələn ay müqavilə müddətini uzatmaq istədiyi futbolçulara rəsmi danışıqlara başlayacaq. Mahirin bu siyahıda olub-olmayacağı bilinmir.
KƏNAN BAHADIR
Digər xəbərlər
