Türkiyə çempionatında dünən 18-ci tura start verildi. 2024-cü ili iki titulla tamamlamasına baxmayaraq zəif keçirən ''Beşiktaş'' yeni ilə də xal itkisi ilə start verildi.

''Football-plus.az'' xəbər verir ki, İstanbul nəhəngi ''Çaykur Rizəspor''a qarşı səfər oyununda yalnız 1:1-lik bərabərliklə kifayətləndi. Hər iki qol fasilə ərəfəsində vuruldu. Əvvəlcə Jedson Fernandeş şanssızlıq yaşayaraq avtoqol müəllifi oldusa, çox keçmədən Ernest Muçi qonaqların bərabərlik qolunu vurdu.

Özü də oyunun gedişinə əsasən demək olar ki, qələbəni əldən verən tərəf meydan sahibləri oldu. Mərt Günok 5 qurtarış etdi. Son anlarda rizəlilərin vurduğu qol, belə desək, millemtrik bir ofsayd üzündən qeydə alınmadı. Superliqada səfərdəki qələbə həsrəti 6 oyuna yüksələn ''Qartal''ın son 9 turda cəmi 1 qələbəsi var (4 heç-heçə, 4 məğlubiyyət). Bu müddətdə yeganə qələbə ''Fənərbaxça''ya qarşı evdəki derbidə əldə olunub (1:0).

ƏLİ