“Turan Tovuz” Misli premyer-liqasının 17-ci turunda “Neftçi” ilə heç-heçə etdi - 1:1.

“Football-plus.az” xəbər verir ki, oyundan sonra meydan sahiblərinin baş məşqçisi Kurban Berdiyev mətbuat konfransında görüş haqda fikirlərini bildirib.

- İki fərqli hissə oldu. Birinci hissədə oyunçularım çox həyəcanlandılar. Lazım olan aqressiyanı göstərə bilmədilər. İkinci hissədə daha aktiv oyun nümayiş etdirdilər. İkinci hissəni götürsək, oyundan razı qaldıq. Əvəzetmələr etməməyimin səbəbi oyunçuların aktiv oynaması ilə bağlıdı. Sonda Milleri meydana buraxdıq. Baxmayaraq ki, zədəsi var idi. O da yaxşı oynadı.

- Ayxan Quseynov ya əsas heyətdə, ya da əvəzetmədən meydana daxil olur. Bunun səbəbi nədi?
- Kimin oynamasının fərqi yoxdu. Kim yaxşı oynayırsa, onu da meydana buraxırıq. Meydanda olanlar yaxşı oynadı deyə bu gün dəyişikliklər etmədim.

- Bu nəticəni nə dərəcədə qənaətbəxş sayırsınız?
- Mövsümün əvvəlində soruşsaz, deyərdim ki, yaxşıdı. Müxtəlif hisslər yaşayıram.

ƏSƏD SEYİDOV