Premyer-liqanın 17-ci turunda "Turan Tovuz" səfərdə “Zirə” ilə heç-heçə etdi - 0:0.

“Football-plus.az” xəbər verir ki, oyundan sonra qonaqların çalışdırıcısı Kurban Berdıyev mətbuat konfransında jurnalistlərin suallarını cavablayıb:

- Fikirləşirəm ki, gərgin oyun oldu. Küləyi də nəzərə alsaq, maraqlı oyun keçdi. Bu oyun qola qədər davam edəcəkdi. Yəni kim qol vursaydı, qalib gələcəkdi. Ədalətli nəticə olduğunu söyləyə bilərəm. Hamı yaxşı oynadı. Qol olmadığına görə hesabı qanunauyğun saya bilərik.

- İlin sonuna yaxın komandanı psixoloji cəhətdən oyunlara kökləmək çətin deyil?
- Yox. Bu mənada heç bir problem yoxdu. Uşaqlar oyunlara həm fiziki, həm də psixoloji cəhətdən yaxşı hazırlaşırlar.
- Qışda heyətə cəlb etmək üçün bəyəndiyiniz futbolçular var?
- Bütün komandalar kimi, təbii ki, bizim də planlarımız var. Amma hələ konkret bir şey yoxdu.

- Oyun ərzində əvəzləmə etməməyinizin səbəbi nə idi?
- Hamı yaxşı oynadı. Buna görə də ehtiyac olmadi.

RÖYANƏ OĞUZ