Cümə günü A seriyasında 17-ci turun açılış oyununda ''Verona'' ''Milan''ı qəbul edəcək. Bu qarşılaşma öncəsi maraqlı və qeyri-adi bir aksiya keçiriləcək.

Belə ki, futbolçular meydana əllərində itlərlə çıxacaqlar. Bu, sahibsiz, qayğıya ehtiyacı olan it və pişiklərin saxlanıldığı mərkəzdən gətirilmiş itlər olacaq. Bu xeyriyyə aksiyası sözügedən mərkəz ilə Verona bələdiyyəsi tərəfindən təşkil olunub. Məqsəd insanlarda bu cür mərkəzlərdə yer alan itlərə qarşı maraq oyatmaq, yəni başqa sözlə desək, itlər üçün sahiblər tapmaqdı.

Hər iki komandanın kapitanı, eləcə də başqa bir neçə futbolçu meydana ümumilikdə 7 itlə çıxacaq. İtlərə ''Ceno'', ''Mastino'', ''Olimpiya'', ''Arena'', ''Bra'', ''Ellas'' və ''Verona'' adları verilib. Bu adlar Verona şəhərinin ən görkəmli yerlərindən və klubun özündən götürülüb.

ƏLİ