Bu mövsümün 2-ci turunda baş tutan ''Göztəpə'' - ''Fənərbaxça'' oyunu (2:2) böyük bir qalmaqalla müşaiyət olunmuşdu.

Oyunun fasiləsində ''Fənər''in prezidenti Əli Koç VİP-lojadan qalxaraq stadiona buraxılmayan fanatların durumu ilə yaxından maraqlanmaq üçün səfər tribunasına tərəf yönəlmişdi. Amma Koç geri dönərkən ''Göztəpə''nin rəsmisi Fatih Özkanın hücumuna məruz qalmışdı. Özkanın arxadan möhkəm şəkildə Koçu itələməsindən sonra ''Fənər''in başqanı yerə yıxılmış, amma ciddi xəsarət almamışdı. Sonradan Fatih Özkanın ''Göztəpə''nin rəsmi bir yönəticisi olmadığı, sadəcə stadionun təhlükəsizliyinə cavabdehlik daşıdığı üzə çıxmışdı. Olayın ardından o, həbs olunmuş, daha sonra ev həbsi ilə cəzalandırılmışdı.

Bu məsələ ilə bağlı yeni xəbər var. ''Oda TV''nin məlumatına görə İzmir 3-cü Əsliyə Cəza Məhkəməsi Fatih Özkana 7 ay 15 günlük həbs cəzası verib. O da qeyd olunub ki, məhkəmə bu şəxsin bir daha belə bir şey etməyəcəyi qənaətinə gələ bilmədiyi üçün həbs cəzası təxirə salınmayıb və ya pul cəzası ilə əvəz olunmayıb.

ƏLİ