“Qərarın dəyişdirilməsinin xüsusi bir səbəbi yoxdu. Əvvəllər də müxtəlif klublardan səsvermə ilə bağlı müraciətlər gəlirdi. Deyirdilər ki, azarkeşlərdən çox futbolçunun qohumları, yaxınları səsverməyə müdaxilə edir. Xüsusən son vaxtlar müdaxilələrlə bağlı çoxlu şikayət almağımız nəticəsində bu addımın atılmasına qərar verildi. Gördüyünüz kimi, münsiflər heyəti ölkə futbolunda xüsusi rolu olan şəxslərdən qurulub. Jurnalistlərin münsiflər heyətində təmsil olunmamasına gəlincə, bir nəfəri seçə bilərdik ki, bu da narazılığa səbəb olacaqdı. Rəmzi şəkildə 11 nəfər seçdik. Futbol mütəxəssislərindən də hazırda heç bir klubda çalışmayanları seçdik ki, söz-söhbət doğurmasın. Bu heyətdən kimsə hansısa klubda işə başlayarsa, dəyişiklik edəcəyik. Ümid edirik ki, yekunda ədalətli nəticələr futbolsevərləri də razı salacaq”.